MILIA
Maysa a rukod ti distansia. (Mt 5:41) Iti Kasuratan, nalabit ti rukod a matuktukoy a miʹli·on isu ti Romano a milia (1,479.5 m; 4,854 pie). Iti Griego a teksto ti Lucas 24:13; Juan 6:19; 11:18, saan a nailanad dagiti rukod ti distansia babaen iti sao a miʹli·on, no di ket babaen iti termino nga estadio (1 Romano nga estadio = 1⁄8 Romano a mi; 185 m; 606.75 pie). Iti Baro a Lubong a Patarus, dagiti numero nga estadio a nailanad iti Lucas 24:13; Juan 6:19; 11:18 ket nabaliwan iti kilometro. Kas pagarigan, ti “innem a pulo nga estadio” ket nailanad kas “agarup sangapulo ket maysa a kilometro.”—Lu 24:13.