Pagtuladan a Presentasion

Para iti kampania a panagiwaras iti imbitasion iti Memorial

“Immaykami ta kayatmi nga ikkan ti pamiliayo iti imbitasion para iti nagpateg a tinawen nga okasion a maangay iti intero a lubong inton Marso 26. Daytoy ti pananglaglagip iti ipapatay ni Jesus. Addanto libre a palawag a naibatay iti Biblia a mangilawlawag no kasano a makatulong kadatayo ti ipapatay ni Jesus. Naikabil iti imbitasion ti adres ken oras a pannakaangay daytoy nga okasion iti lugartayo.”

Ti Pagwanawanan Marso 1

“Adda dagiti nangisalsaludsod iti kastoy, ‘Kasanotayo a masigurado a napagungar ni Jesus?’ Napampanunotyo kadin dayta? [Palubosanyo a sumungbat.] Kitaenyo no apay a napateg ti sungbat dayta. [Basaenyo ti 1 Corinto 15:14.] Ilawlawag daytoy a magasin no apay a pudno a napagungar ni Jesus.”

Agriingkayo! Marso

“Umanamongkayo kadi a nagrigat ti mangpadakkel kadagiti annak ita? [Palubosanyo a sumungbat.] Adu a nagannak ti nakasarak iti nasayaat a balakad iti Biblia. Kas pagarigan, daytoy a teksto ket nakatulong kadagiti amma a mangbirok kadagiti oportunidad a mangkomendar kadagiti annakda ken mangpatanor iti kompiansada iti bagida. [Basaenyo ti Colosas 3:21.] Ilawlawag daytoy nga artikulo ti lima a kangrunaan a prinsipio a makatulong kadagiti amma.”