Tip iti Panagadal
Kabesaduem Dagiti ‘Naespirituan a Kanta’
“No madepdepres wenno malidlidayanak, parparegtaennak ni Jehova iti tulong dagiti kanta iti JW Broadcasting®.”—Lorraine, U.S.A.
Sipud pay idi, paseten dagiti ‘naespirituan a kanta’ iti panagdaydayaw dagiti Kristiano. (Col. 3:16) No kabesaduem dagitoy a kanta, matulongandaka uray no awan ti iggemmo a libro a pagkantaan wenno gadyet. Padasem dagitoy a tip tapno maikabesam dagiti kanta:
Basaem a naimbag dagiti liriko tapno maawatam dagiti kaipapananda. Nalaklakam a malagip dagiti impormasion no maawatam dagita. Ti liriko ti amin a kantatayo, agraman dagiti orihinal a kanta ken kanta para kadagiti ubbing, ket available iti jw.org iti seksion a Libraria sa mapanka iti Musika.
Isuratmo dagiti liriko. No aramidem dayta, lallalo a matandaanam dagita.—Deut. 17:18.
Agpraktiska iti napigsa. Ulit-ulitem a basaen wenno kantaen ti kanta.
Subokem ti memoriam. Padasem a lagipen dagiti sasao a saanmo a kitkitaen ti lyric sheet, ken kitaem no kasano kaadu ti natandaanam.