Dagiti Suhestion Para iti Personal a Panagadal ken Panagdaydayaw ti Pamilia

Agdaydayawtayo ken Jehova saan laeng a kadagiti gimongtayo, asamblea, ken kombension, no di ket uray agmaymaysatayo ken kaduatayo dagiti kapamiliatayo. Dagitoy ti dadduma a suhestion a mabalin nga aramidem para iti personal a panagadalmo ken iti panagdaydayaw ti pamiliayo:

• Agsaganakayo para kadagiti gimong. Mabalinyo a praktisen dagiti kanta ken tulongan ti amin a kapamiliayo nga agsagana iti komentoda.

• Agbasakayo iti maysa a salaysay ti Biblia. Kalpasanna, idrowingyo ti maysa a pasamak iti dayta a salaysay wenno isuratyo dagiti nasursuroyo.

• Agbasakayo iti maysa a kararag iti Biblia, ken panunotenyo no kasano a makatulong dayta tapno mapasayaatyo ti panagkararagyo.

• Agbuyakayo iti video iti jw.org ken pagsasaritaanyo dayta wenno isuratyo dagiti nasursuroyo.

• Agsaganakayo para iti ministerio. Mabalin a praktisenyo dagiti ibagayo.

• Obserbaranyo dagiti parsua ken utobenyo wenno pagsasaritaanyo dagiti isuro dagita maipapan ken Jehova.a