AFIKIE YO
ILUẸMHIN 9
Ha Mhọn Ariajegbe
Ebi Baibo Ta Yẹ: “Deba ene ghọnghọn ha ghọnghọn, uwẹ ha yẹ deba ene viẹ ha viẹ.”—Rom. 12:15.
Ijiẹmhin Ọsi Jesu
1. Ghe ọne IVIDIO, la uwẹ ha tie Mak 6:30-34. Uwẹ ha lu iriọ fo, re ewanniẹn ọbhi ene inọnta ne ribhi otọle.
Bezẹle nin Jesu bi etuegbe nesọle da ha guanọ nin ele sibhi eji ẹbho ye re ha khian eje fi ahiẹ a?
Be re Jesu munhẹn ha man ene ẹbho emhin?
Be Imhan Luẹ Bhi Obọ Jesu?
2. Ahamiẹn mhan mhọn ariajegbe, ẹmhọn ẹbho ki wo rẹtẹ mhan. Ọ iyi ebi mhan ha rẹ tẹmhọn Osẹnobulua man ele yẹ ọkpa mhan da wo ha ria ẹmhọn ọlẹn.
Ebi Mhan Ha Rẹ Re Egbe Khọkhọ Jesu Yẹ
3. Ka ọne ọria ehọ nọnsẹn. Re ẹghe nanlẹn rẹ ta ebe ri ọle bhi ọkhọle man ẹn. Hẹi gbe ọta ọle bhi unun. Ọne ọria ha taman ẹn ebi emhin dia ọle bhi egbe yẹ, ebe kpokpo ọle, la emhin nin ọle bha rẹọ i, ji ebi ọle tale gene rẹtẹ uwẹ. Hẹi ghe ọle bii ebe bha sẹ emhin soso. Uwẹ ha ka ọle ehọ nọnsẹn, uwẹ ki rẹman ọlẹn ghe, ẹmhọn ọlẹn gene rẹtẹ uwẹ.
4. Ria ẹmhọn ọne ọria. Re ebi ọle taman uwẹ rẹ zilo nyan ene inọnta nan:
‘Bezẹle nọn da khẹke nin ọne ọria nan họn uhọnmhunje nọn ribhi ẹkẹ Baibo?’
‘Elele nela ọle ha sabọ miẹn bhi ejayenan nian bi bhi ẹghe odalo sade ọle munhẹn ha luẹ Baibo?’
5. Nanlẹn zilo emhin ne ha sabọ rẹkpa ọle. Bhi ẹghe nọn khẹke, rẹman ọlẹn ebi Baibo nan luẹ ha rẹ sabọ wanniẹn inọnta nesọle yẹ, bi ebi Baibo ha rẹ sabọ rẹkpa ọle yẹ bhi uwedẹ ebhebhe.