Ha Man Emhin Bhi Uwedẹ Nọn Lẹkhẹ

Ijiemhin Ọsi Jesu

IVIDIO: Jesu Da Noo Arẹkhọkhọ Rẹ Rẹman Ghe Ẹmhọn Mhan Rẹtẹ Jehova

1. Ghe ọne IVIDIO, la uwẹ ha tie Matiu 6:25-27. Uwẹ ha lu iriọ fo, re ewanniẹn ọbhi ene inọnta ne ribhi otọle.

1. Arẹkhọkhọ nela Jesu noo rẹ rẹman ghe, ẹmhọn mhan rẹtẹ Jehova?

2. Be bhọ emhin nọn lẹkhẹ nin Jesu zẹ rẹ talọ nyan rẹji ene afianmhẹn, arẹmiẹn ọle manman lẹn ẹmhọn ele nọnsẹn? Bezẹle nin uwedẹ nin ọle rẹ re inian man emhin da yi uwedẹ nọn mhẹn?

Be Imhan Luẹ Bhi Obọ Jesu?

2. Ahamiẹn imhan man ẹbho emhin bhi uwedẹ nọn lẹkhẹ, ebi mhan man ele le ki rẹso ele bhi ọkhọle. Ele ki yẹ sabọ ye ene emhin re.

Ebi Mhan Ha Rẹ Re Egbe Khọkhọ Jesu Yẹ

3. Hẹi ha talọ gbe. Re ẹmhọn nan gbẹn ọbhi ebe nin bha rẹ luẹ Baibo rẹ ne ọne ọria zilo. Hẹi wo ha gbido ọsi emhin rebhe nin uwẹ lẹn rẹji ọne uhọnmhọn-ọta. Ahamiẹn uwẹ nọọn ọne ọria ọta, re ẹghe nanlẹn rẹ re ewanniẹn ọbhọ. Ahamiẹn ọle bha lẹn ọne ewanniẹn, la ọle wanniẹn ọlẹn bhi uwedẹ nọn bha diẹn mun ebi Baibo tale, noo inọnta ebhebhe ne ha rẹkpa ọle rẹ lẹn ọne ewanniẹn. Ahamiẹn ebi uwẹ man ọle le mun ọlẹn ẹlo kore, diọbhi uhọnmhọn-ọta nọn ki sẹ ọle bhi egbe.

4. Ahamiẹn uwẹ man ọlẹn emhin ọgbọn, rẹkpa ọle rẹ daghe ebi ọne iman-emhin rẹ diẹn mun ebi uwẹ ka man ọle le. Bhi ọsi ijiẹmhin, ahamiẹn uwẹ ho nin uwẹ man ọne ọria ẹmhọn ariọkpanọ bhi uu, uwẹ sabọ ka ye ọle re ebi bha ka luẹ rẹji ebe sunu ji eria ne yu.

5. Re ẹwanlẹn noo arẹkhọkhọ. Ọkuẹsẹ uwẹ noo arẹkhọkhọ, nọọn egbe ẹ:

1. ‘Ọne arẹkhọkhọ nan be lẹkhẹ nan rẹ lẹn otọle?’

2. ‘Ọne ọria nin mẹn man ọlẹn Baibo dẹ be sabọ kẹ lẹn otọle?’

3. ‘Ọne arẹkhọkhọ dẹ be rẹkpa ọle rẹ ye emhin kpataki nin mhan luẹle re, la ọne arẹkhọkhọ ọkpa ọle ha yere?’