‘Emhin Nan Re Nin Jehova’

Be imhan ha rẹ re emhin nin Jehova yẹ ẹlẹnan? (1Ch 29:​5, 9, 14) Mhan dẹ tẹmhọn uwedẹ eso nin ẹbho rẹ re ọkhọle nọnsele re emhin re, nin ele rẹ re obọ kpa iwẹnna ọsi Esali Jehova bhi agbotu nọnsele, bi otọ agbọn rebhe.

IGHO NAN RE RE BHI INTANẸT, BI IGHO NAN RE ỌBHI ẸKPẸTI, ỌLE A RẸ:

• 

  LU IWẸNNA OGA BHI OTỌ AGBỌN REBHE

  Bẹtẹ bi ọfisi kẹkẹ nan bọn

  isiku kẹkẹ nin agbotu mhanmhan

  ugbẹloghe ọsi ibhio mhan ne re ẹghe rebhe lu iwẹnna oga

  urẹkpa nan re nin ibhio mhan nin emhin idunmhuri sunu je

  ebe nan print, ebe nan re ikọmputa bi foni rẹ tie, bi vidio kẹkẹ

• 

  LU EMHIN BHI AGBOTU NỌNSẸ

  igho nan rẹ hẹnhẹn iKindọn Họọ, bi igho nan rẹ haosa ukpa, amẹn bi emhin ebhebhe nan noo bhọ

  igho kẹkẹ nin agbotu nọnsẹ re ji Bẹtẹ:

  • nan rẹ bọn iKindọn Họọ bi Asẹnbli Họọ bhi otọ agbọn rebhe

  • nan rẹ hẹnhẹn Bẹtẹ, Asẹnbli Họọ, la Kindọn Họọ sade emhin sunu ji ele

  • nan rẹ lu emhin ebhebhe nin agbotu mhanmhan bhi otọ agbọn rebhe

USIKOKO ỌSI UKPẸDẸ ỌKPA BI USIKOKO NỌN NẸ

Uwẹ ha re emhin re bhi usikoko nọn nẹ, ẹkẹ ẹkpa nan da re igho nan re lu iwẹnna oga bhi otọ agbọn rebhe, ọle ọne igho ha diọ i. Bhi ẹkẹ ọne ẹkpa nan a da yẹ re igho nan rẹ mhanmhan ene usikoko nan.

Igho nan re re bhi usikoko ọsi ukpẹdẹ ọkpa, ọle a rẹ mhanmhan ọne usikoko. Ọle a yẹ rẹ hẹnhẹn eji a da do ọne usikoko. Ahamiẹn ọne igho sẹyẹ kẹre, ene agbotu ne kugbe do ọne usikoko ọsi ukpẹdẹ ọkpa sabọ re ọne igho ba igho nan rẹ lu iwẹnna oga bhi otọ agbọn rebhe.