Osẹnobulua Be Si Iloya Nin Mhan Ye Ẹlẹnan?

Ewanniẹn nin Baibo re ọbhọ

Baibo rẹman ghe ọ iyi Osẹnobulua! Iloya bha deba emhanmhan nọnsi Osẹnobulua rẹji mhan nin eria. Okpẹa bi okhuo ọhẹnhẹn nin Osẹnobulua ka man, da sọtẹ da ugbẹloghe nọnsi Osẹnobulua, ele da zẹ nin ele rẹ tobọle ha ze emhin nọn mhẹn bi emhin nọn imhẹn nin egbe ele. Ele da fi ikeke gbe Osẹnobulua, bhiriọ, ele da loya nọn nabhi emhin nin ele lu re.

Ẹlẹnan nian, emhin nin ele lu, ọle mhan loya le. Ọ iyi Osẹnobulua zẹwẹ si iloya nọnsẹmhan hiehie.

Baibo yọle: “Ahamiẹn ibha ribhi ekpokpo, ọria soso hẹi yọle: ‘Osẹnobulua dọnmhẹn imẹn.’ Ranmhude, mhan ida sabọ re emhin-ebe rẹ dọnmhẹn Osẹnobulua, ọle tobọle bhọ iyẹ re emhin-ebe dọnmhẹn ọria soso.” (James 1:13) Ẹbho rebhe ko loya ẹlẹnan, rẹsẹbhi eria nin Osẹnobulua re ẹlo esili rẹ ghe.