Ha Mhọn Ikpẹ Esili—Izebhudu

EBEZẸLE NỌN DA YI EMHIN NỌN KHẸKE:

• Nin mhan rẹ sabọ tẹmhọn Osẹnobulua, ọkhẹke nin mhan ha mhọn izebhudu.—Ac 5:27-29, 41, 42

• Bhi ẹghe ekpokpo nọn khua, izebhudu nọnsẹmhan dẹ kakabọ miẹn edọnmhẹn.—Mt 24:15-21

• Ahamiẹn mhan muofẹn eria, ọ dẹ si ọnọghọ ji mhan.—Jer 38:17-20; 39:4-7

EBI MHAN ARẸ SABỌ HA MHỌNLẸN YẸ:

• Ha ria eria nyan uwedẹ nin Jehova sẹ rẹ miẹn ẹbho nesọle fan.—Ex 14:13

• Ha bhii nin Jehova rẹkpa uwẹ rẹ ha mhọn izebhudu.—Ac 4:29, 31

• Mun udu nyan iJehova.—Ps 118:6

GHE ỌNE IVIDIO NỌN YỌLE RẸBAN EMHIN NE HA SABỌ RI ASUN-RẸKHAN NỌN SẸMHAN WẸGHẸA—IMUOFẸN ERIA. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bezẹle nọn da khẹke nin mhan ha mhọn izebhudu nin mhan rẹ ha sabọ lu iwẹnna itẹmhọn Osẹnobulua?

• Ikẹkẹ nela ribhi ọta veva nan tale bhi Proverbs 29:25?

• Bezẹle nọn da khẹke nin mhan ha mhọn izebhudu bhi ejayenan?