Bha Mundia Nọnsẹn Beji Ọkpẹnlẹn ọsi Ọne Agbọn Nan Rẹ Ha Sire

EBEZẸLE NỌN DA YI EMHIN NỌN KHẸKE: Ẹghe ekpokpo nọn khua manman sire. Bhiriọ, emhin dẹ sunu ne ha dọnmhẹn izebhudu nọnsẹmhan bi iruduba nin mhan mhọn da iJehova gbera ọnikhẹ. Ene gbẹloghe ha munhẹn ha fuẹn oga ohoghe a, mhan ki lẹn ghe ekpokpo nọn khua munhẹn. (Mt 24:21; Re 17:​16, 17) Bhi ẹghe ekpokpo nọn khua, asabọmiẹn uhọnmhunje nọn kaka mhan da ha wewe man ẹbho. (Re 16:21) Ẹghenin, Gog ọsi Magog ki denọ ẹlo da mhan. (Eze 38:​10-12, 14-16) Ọnan ha re iJehova mun okhọn Armageddon re nin ọle rẹ hinmhin ẹbho nesọle. (Re 16:​14, 16) Nin mhan rẹ sabọ ziẹn izebhudu nọnsẹmhan khẹ emhin ne ha sunu bhi ẹghe odalo, ọkhẹke nin mhan khọn emhin nọn iki rẹ khin nọn dọnmhẹn urẹọbhọ nọnsẹmhan nian.

EBI A RẸ LU ỌLE YẸ:

• Ha re obọ rẹkhan uhi nesi Jehova.​—Isa 5:20

• Ha yo ikolo oga ẹghe rebhe.​—Heb 10:​24, 25

• Ha re obọ rẹkhan adia nin agbotu nọnsi Jehova re nin mhan.​—Heb 13:17

• Ha ria eria nyan ebi Jehova rẹ miẹn ẹbho nesọle fan yẹ bhi ẹghe nọn gbera.​—2Pe 2:9

• Ha nan erọnmhọn ji Jehova, yẹ ha mun udu tẹ ọle.​—Ps 112:​7, 8

GHE ỌNE IVIDIO NATIỌLE EMHIN NE HA SUNU JI MHAN BHI ẸGHE ODALO NIN MHAN HA DA RE IZEBHUDU MAN​—UKPỌKHERE. BHA HA KI GHE ỌLE FO, WANNIẸN ENE INỌNTA NAN:

• 

  Edọnmhẹn nela ibhio mhan eso bhi ọne ividio miẹn, ẹghe nan rẹ wa agbotu nọnsele a?

• 

  Be ihẹnmhọn ha rẹ rẹkpa mhan ha mhọn izebhudu yẹ?

• 

  Be izebhudu ha rẹ rẹkpa mhan yẹ bhi ẹghe nin ọkhọn Armageddon ha re munhẹn?

• 

  Okha nela bhi Baibo ha sabọ ziẹn urẹọbhọ nọnsẹmhan ghe Jehova dẹ miẹn mhan fan?​—2Ch 20:​1-24