Ahoẹmhọn-egbe A Rẹ Lẹn Ene Rẹkhan IJesu —Bha Gbega Okugbe Nin Bha Mhọnlẹn

EBEZẸLE NỌN DA YI EMHIN NỌN KHẸKE: Bhi ọne ukpasọn nọn we fiọ bhi ukpẹdẹ nan gbe ọle a, Jesu da nan erọnmhọn ghe nin edibo nesọle “kiẹn ọkpa.” (Joh 17:23, ftn.) Nin ele rẹ sabọ ha mhọn okugbe nọn sẹnian, ọkhẹke nin ele ha mhọn ahoẹmhọn-egbe. Ele ida ha re ẹmhọn gbanọ bhi ọkhọle.—1Co 13:5.

EBI A RẸ LU ỌLE YẸ:

• Ọkhẹke nin uwẹ re egbe khọkhọ iJehova. Ha guanọ eji ẹbho da mhẹn, ọiyi eji ele da fidọn

• Ha rẹhunmhan

• Uwẹ bi ọria ha tẹmhọn mun fia fo, hẹi sẹyẹ re ọne ẹmhọn gbanọ bhi ọkhọle.—Pr 17:9

GHE ỌNE IVIDIO NATIỌLE ‘BHA HA MHỌN AHOẸMHỌN-EGBE DA EGBE’—HẸI HA RE ẸMHỌN GBANỌ BHI ỌKHỌLE. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bhi obọ ọhẹnhẹn ọsi ọne ividio, be iHelen rẹ rẹman yẹ ghe ọle re ẹmhọn gbanọ bhi ọkhọle?

• Bhi obọ nọnzeva ọsi ọne ividio, be ọle rẹ khọn ọne umueria nin yẹ?

• Be emhin nin Helen lu rẹ tuẹn okugbe nọn ribhi ọne agbotu okhun yẹ?