Noo Ebe Sunu Rẹ Tẹmhọn Osẹnobulua Man Ẹbho

Jesu da noo emhin ne sunu rẹ tẹmhọn Osẹnobulua man ẹbho. (Lu 13:​1-5) Uwẹ dẹ yẹ sabọ noo emhin ne sunu rẹ munhẹn ha tẹmhọn Oṣenobulua man ọria, nọn ha rẹkpa ọle ha mhọn ọne ọtibhọ rẹ ka uwẹ ehọ. Uwẹ ha tẹmhọn ebi emhin ki rẹ ghan yẹ, ebi emhin idunmhuri rẹ sunu yẹ, ebi ẹbho rẹ le ikhunmhun ebe yẹ, bi emhin ne dia iriọ fo, uwẹ sabọ nọọn ọne ọria yọle: “Uwẹ be riale ghe mhan dẹ sabọ miẹn ọkpẹnlẹn rẹji . . . ?” la “Be uwẹ riale ọ dẹ sabọ re ọkpẹnlẹn ọbhi . . . ?” Bhiriọ, uwẹ ki tie ijeso man ọlẹn bhi Baibo nọn zilo nyan ọlẹn. Ọne ọria ha ka uwẹ ehọ, uwẹ ha re ividio la ọkpa bhi ebe ne ribhi Emhin Kpataki Nin Mhan Rẹ Lu Iwẹnna Itẹmhọn Osẹnobulua nanlẹn. Bha ji mhan lu eka nin mhan ha sabọ lu rẹ ji “ọta nọn mhẹn” nin mhan taman ẹbho rẹso ele bhi ọkhọle.​—1Co 9:​22, 23.

Uhọnmhọn-ọta nela ha sabọ yẹẹ ẹbho bhi eji uwẹ da tẹmhọn Osẹnobulua?