“Ji Emhin Nin Uwẹ Mhọn Khọn Uwẹ”

Ahamiẹn ghe mhan imanman miẹn rẹ lu, ọ dẹ sabọ re imhan lu emhin nọn ha rẹso ikolu nin mhan bi Jehova ko mhọnlẹn. Bhi ọsi ijiẹmhin, mhan dẹ sabọ miẹn iwẹnna nọn manman re igho re nọn ha re ọle nọghọ mhan rẹ ha ga Jehova. Sokpan, ẹmhọn nọn ribhi Hebrews 13:5 dẹ sabọ rẹkpa mhan bhi idia nọn sẹriọ.

‘Hẹi mun ẹmhọn igho kalo bhi iẹnlẹn nọnsi uwẹ’

• Nan erọnmhọn ji Osẹnobulua, uwẹ ha yẹ ria eria nyan ebi uwẹ rẹ ghe igho yẹ, yẹ ria ẹmhọn ijiẹmhin nin uwẹ ha re ọbhi otọ nin imọn nesẹ.—g 9/15 6.

‘Ji Emhin Nin Uwẹ Mhọn Khọn Uwẹ’

• Ọ iyi emhin nọn hi ki rẹ khin uwẹ ha ka ba emhin nọn khẹke nin uwẹ ha mhọnlẹn.—w16.07 7 ¶1-2.

‘Mẹn ida zẹ uwẹ obọ ghẹdẹ, sẹyẹ, mẹn ida fikeke gbe uwẹ’

• Mun udu nyan Jehova ghe ọle dẹ ne emhin nin uwẹ guanọ nin uwẹ beji uwẹ ha da sabọ mun ẹmhọn Agbejele nọnsọle kalo bhi iẹnlẹn nọnsẹ.—w14 4/15 21 ¶17.

GHE ỌNE IVIDIO NATIỌLE EBI IBHIO MHAN RẸ SABỌ HA MHỌN ỌFURE YẸ ARẸMIẸN ELE BHA MIẸN RẸ LU. BHA HA KI GHE ỌLE FO, WANNIẸN ỌNE INỌNTA NAN:

Be uwẹ miẹn luẹ bhi ọkha ọsi Miguel Novoa?