Asun-rẹkhan Bi Emhin Nin Mhan Ria Bhi Ọkhọle

Ọ iyi ọta nin mhan ta bi emhin nin mhan lu ọkpa mhan rẹ rẹman ghe mhan mhọn urẹọbhọ da Jehova, mhan yẹ re uwedẹ nin mhan rẹ ria eria re ọle man. (Ps 19:14) Baibo yọle nin mhan wo ha ria eria nyan “emhin ne yi ẹmhọanta, emhin ne lu uhọnmhọn-emhin, emhin ne gbale, emhin ne khiale, emhin ne ha re ẹbho hoẹmhọn egbe, emhin nan tẹmhọnlẹn nọnsẹn, emhin ne mhẹn, bi emhin ne re ogẹn re.” (Php 4:8) Sokpan, mhan ida sabọ lu ọle nin emhin ne imhẹn hẹi na mhan bhi ọkhọle hiehie. Ọkpakinọn, imuegbe ọbhi ibee ha rẹkpa mhan rẹ sabọ rẹban iria eria ne bha gba, yẹ dọnmhegbe ha ria ẹmhọn emhin ne mhẹn. Mhan ha re urẹọbhọ man bhi uwedẹ nin mhan rẹ ria eria, ọ ki rẹkpa mhan rẹ ha re urẹọbhọ man bhi uwedẹ nin mhan rẹ lu emhin.—Mr 7:​21-23.

Gbẹn iria eria ne bha gba nin mhan ha rẹban ọbhi odotọ ene Baibo nan kẹkẹ:

Ro 12:3

Lu 12:15

Mt 5:28

Php 3:13