Guẹ Ebi A Rẹ Lu Iwẹnna Itẹmhọn Osẹnobulua Yẹ—Ha Noo Inọnta Nọnsẹn

EBEZẸLE NỌN DA YI EMHIN NỌN KHẸKE: Baibo yọle ghe “ọkhọle ọsi ọria, ọ diabe omin nọn dinmhin.” (Pr 20:5) Inọnta da diabe ozamẹn nan rẹ si amẹn bhi omin. Inọnta rẹkpa mhan rẹ nin ọria zilo nọnsẹn. Ọ ki rẹkpa mhan rẹ lẹn emhin nọn re ọne ọria bhi ọkhọle. Jesu wo ha noo inọnta nọnsẹn. Be imhan ha rẹ sabọ re egbe khọkhọ ọle yẹ?

EBI A RẸ LU ỌLE YẸ:

• Noo inọnta nan rẹ lẹn ebi ọria ria ẹmhọn yẹ. Jesu da nọọn edibo nesọle uri inọnta kẹkẹ nin ọle rẹ lẹn emhin nọn re ele bhi ọkhọle. (Mt 16:13-16; be 238 ¶3-5) Be bhọ inọnta eso nin uwẹ ha sabọ nọọn nin uwẹ rẹ lẹn emhin nọn re ọria bhi ọkhọle?

• Noo inọnta nan rẹ dia ọria rẹ zẹ ewanniẹn nọn gbale. Nin ọle rẹ dia iPeter, Jesu da nọọn ọlẹn ọta nọn mhọn agba ewanniẹn eva. Ọnan da rẹkpa iPeter rẹ zẹ ewanniẹn nọn gbale bhi ẹwẹ ene ewanniẹn veva. (Mt 17:24-26) Be bhọ inọnta eso nin uwẹ ha sabọ nọọn nin uwẹ rẹ dia ọria rẹ zẹ ewanniẹn nọn gbale?

• Khuẹnmhẹn ọne ọria. Ẹghe nin okpea ọkpa rẹ re ewanniẹn nọn gbale ọbhi inọnta nin Jesu nọọn ọlẹn, Jesu da khuẹnmhẹn ọlẹn. (Mr 12:34) Be uwẹ ha rẹ khuẹnmhẹn ọria yẹ sade ọle re ewanniẹn bhi inọnta nin uwẹ nọọn ọlẹn?

GHE OBỌ ỌHẸNHẸN BHI ỌNE IVIDIO NATIỌLE LU IWẸNNA NIN JESU LU—HA MAN EMHIN. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Bezẹle nan da miẹn ghe uwedẹ nin ọne obhio mhan nan rẹ ha man emhin bha gba, arẹmiẹn ghe emhin nin ọle man wo gba?

• Bezẹle nọn da khẹke nin mhan lu gbera nan rẹ ha gbe otọ ẹmhọn fanọan?

GHE OBỌ NỌNZEVA BHI ỌNE IVIDIO. BHA HA KI GHE ỌLE FO, RE EWANNIẸN ỌBHI ENE INỌNTA NAN:

• Be bhọ ọne ibhio mhan rẹ noo inọnta yẹ nọnsẹn?

• Emhin ebhebhe nela ọle lu nin mhan ha sabọ re egbe khọkhọ?