Guẹ Ebi A Rẹ Lu Iwẹnna Itẹmhọn Osẹnobulua Yẹ—Rẹkpa Ẹbho Ne Ho Nin Ele Lẹn Ẹmhọanta Rẹ Dọ Ga IJehova

EBEZẸLE NỌN DA YI EMHIN NỌN KHẸKE: Jehova hi ọnọn re ikpẹ ọsi ẹmhọanta wanre bhi ọkhọle ọsi ẹbho ne muegbe nin ele rẹ lẹn ọlẹn. (Ac 13:48; 1Co 3:7) Be imhan ha rẹ ha wẹnna rẹkhan Jehova yẹ? Ahamiẹn mhan lu iwẹnna itẹmhọn Osẹnobulua, ọkhẹke nin mhan dọnmhegbe rẹ rẹkpa ẹbho ne gene muegbe nin ele rẹ luẹ ẹmhọanta, yẹ lu rẹkhan emhin nin ele luẹ. (1Co 9:26) Ọkhẹke nin ẹbho nin mhan man ele iBaibo lẹn ghe, nin ele rẹ sabọ miẹn umiẹnfan, ele dẹ re egbe guẹ nin Jehova yẹ mianmẹn. (1Pe 3:21) Ọkhẹke nin mhan ha rẹkpa ẹbho nin mhan man ele iBaibo, nin ele sabọ fidenọ bhi uwedẹ iẹnlẹn nọnsele, deba mhan ha tẹmhọn Osẹnobulua, yẹ re egbe guẹ nin Jehova. Mhan ha lu iriọ, ele ki sabọ kiẹn edibo.—Mt 28:19, 20.

EBI A RẸ LU ỌLE YẸ:

• Ji ẹbho nin uwẹ man ele iBaibo lẹn ghe, ranmhude uwẹ guanọ nin ele dọ lẹn iJehova yẹ dọ ga ọle, ọle zẹle nin uwẹ da man ele iBaibo.—Joh 17:3

• Rẹkpa ele nin ele re obọ kie bhi emhin ne ha sabọ si ele obọ re ikeke. Emhin bọsi ikolu ne imhẹn, bi emhin ne imhẹn nin ele guẹ

• Ha re izebhudu nin ele. Ele ha rẹ mianmẹn fo, sẹyẹ ha re izebhudu nin ele.—Ac 14:22

GHE ỌNE IVIDIO NATIỌLE OSẸNOBULUA NIN JEHOVA DẸ RẸKPA UWẸ. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Be hi emhin eso ne ha sabọ re ọria ha siegbe nin ọle rẹ re egbe guẹ nin Jehova yẹ mianmẹn?

• Be ene ewanlẹn bhi agbotu ha rẹ sabọ rẹkpa ẹbho ne bha sẹ mianmẹn yẹ?

• Be bhọ Isaiah 41:10 man mhan le rẹji Jehova?

• Be ha rẹkpa mhan rẹ sabọ ga iJehova nọnsẹn arẹmiẹn ọ bha gba nin mhan fo?