ILUẸMHIN 5

Tie Ebe Nọnsẹn

1 Timothy 4:13

EBI UWẸ HA LU: Taan unun an nọnsẹn rẹ tie ebe dagbare beji a rẹ gbẹn ọlẹn tee.

Muegbe nọnsẹn. Ria eria nyan ebezẹle nan da gbẹn ebe nin uwẹ ho nin uwẹ tie. Luẹ ebi a re tie usun ikpọta kugbe yẹ, ọiyi ikpọta ọkpa-ọkpa. Gbẹlokotọ nin uwẹ hẹi dobọ re ikpọta ba ikpọta ne ribhi ebe, la san gbera ikpọta eso, la re ikpọta ọkpa ọbhi ihe ọsi ikpọta ọbhebhe. Gbẹlokotọ bhi iyaman rebhe nan rẹ tie ebe ne ribhi ọne ebe.

Taman ọmọẹ ẹ nọn re ẹlo rẹkhan ebi uwẹ tie, nin ọle da sabọ taman uwẹ ikpọta nin uwẹ bha tie nọnsẹn.
Tie ikpọta kẹkẹ nọnsẹn. Ahamiẹn ikpọta ribhọ nin uwẹ bha sabọ tie bhi ẹkẹ ebe nin uwẹ tie, kaehọ ọne a khue nọn ribhọ, la, uwẹ ha taman ọria nọn guẹ rẹ tie ebe nọnsẹn nin ọle rẹkpa uwẹ.
Ji ebi uwẹ ta khiakhia bhi ehọ. Gbẹlokotọ rẹ tie ikpọta rebhe beji ọkhẹke. Mun uhọnmhọn okhun, yẹ taan unun an nọnsẹn sade uwẹ tie ebe. Dọnmhegbe nin uwẹ rẹ tie ikpebe kẹkẹ kugbe bhi ẹkẹ ikpọta beji ọ khẹke.

Tie ebe beji a rẹ talọ ẹdẹdẹ. Bhi ọsi ijiẹmhin, uwẹ ha miẹn “ga iJehova,” uwẹ ki tie ọle “gi Jehova,” uwẹ ha miẹn “ta ọta,” uwẹ ki tie ọle “tọ “ta.”