Iwuhrẹ Odibọgba Ọrọ August
Oka nọ O Rọ August 5 Muhọ
Ole Avọ 56 (33)
10 min: Iwhowhovia obonẹ. Salọ Iwhowhovia no Odibọgba Uvie Mai ze.
20 min: “A Re Serihọ Evaọ Ewhowho Emamọ Usi na Ha.” Ẹme nọ a rẹ ta kugbe ogbotu. Ku eme no Insight on the Scriptures, Uko Avọ 2, ẹwẹ-obe avọ 673, edhe-ẹme 1 gbei.
15 min: “Rehọ Ibroshọ Whowho Emamọ Usi Uvie Na.” (Edhe-ẹme 1-5) Rehọ edhe ọsosuọ na mu ẹmeọta họ. Ta emamọ ẹme kpahe erere ọ ero ruiruo ibroshọ Uzuazọ Otọakpọ gbe ọrọ “Ri!” na evaọ odibọgba na. Ruẹrẹ idhesẹvia ene nọ a ruẹrẹ kpahe ziezi, nọ i dhesẹ epanọ a rẹ rehọ ibroshọ enana ru iweze ọsosuọ gbe izihebro. Jọ owhowho-uvie ọboba, nọ ọsẹ gbe oni o bi fiobọhọ kẹ, ọ rehọ ibroshọ Uzuazọ Otọakpọ ru odhesẹvia. Iwhowho-uvie a rẹ sae rẹriẹ idhesẹvia ibroshọ rai lele enọ a kẹ ẹjiroro rai evaọ etenẹ na.
Ole Avọ 136 (23) gbe olẹ ekuhọ.
Oka nọ O Rọ August 12 Muhọ
Ole Avọ 192 (162)
15 min: Iwhowhovia obonẹ. Kiẹ Ẹkpẹti Onọ Riwi.
15 min: “Rehọ Ibroshọ Whowho Emamọ Usi Uvie Na.” (Edhe-ẹme 6-8) Ru ọkiẹ-wariẹ eware nọ e rọ eva ibroshọ Egọmeti na. Ru odhesẹvia ẹjiroro nọ a kẹ na rọkẹ iweze ọsosuọ gbe ozihebro. Tudu họ ahwo kpobi awọ re a nya lele ebe nọ a fihọ ada.
15 min: “Azọhọ Unevaze kẹ Iruo Akpọ Soso Ukoko-Ulogbo U bi Fiobọhọ kẹ Ẹroharo.” Ẹme ọjaja nọ ọkpako o re ru. Jọ Yearbook salọ ẹnyaharo iruo uvie na evaọ ekuotọ jọ kugbe ẹme ra ru.
Ole Avọ 9 (12) gbe olẹ ekuhọ.
Oka nọ O Rọ August 19 Muhọ
Ole Avọ 174 (215)
12 min: Iwhowhovia obonẹ. Iyẹrẹ epanọ igho e nya. Fi emamọ eme kpahe “Ways to Share” [Idhere nọ A re Ro W’abọ Kugbe], nọ a rehọ no Uwou-Eroro, ọrọ December 1, 1993, ze (ọrọ Oyibo), ewẹ-obe 29-31 kugbei.
15 min: “Ono O Te kẹ Usiuwoma Ota?” Ọkpako o re ru ẹme na kugbe iwhowho-uvie ivẹ hayo esa. Fiẹgba họ inọ ma bi wo ewuhrẹ nọ ọ mai woma kpobi, nọ o be ruẹrẹ omai họ wọhọ egbodibo Ọghẹnẹ. Oware ovo o rẹ suẹe ze nọ ma je roro nọ ma te kẹ usiuwoma ota ha ha.
18 min: “Epanọ A rẹ Rehọ Obe Eriariẹ na Ro Ru Ilele.” Ẹmeọta kugbe ogbotu no edhe-ẹme 17-26 ze evaọ uko obeva Odibọgba Uvie Mai ọrọ June 1996. Kake ruẹrẹ oma họ re who fi ikuigbe eware nọ e via kẹ ahwo nọ a be rehọ obe Eriariẹ na ru obe uwuhrẹ kugbei. A rẹ sae ta emamọ eme kpahe epanọ a ro fi ezọhọfihọ nọ e rọ uko obeva na họ iruo gbe epanọ a ro wo obufihọ no, re a ru obe uwuhrẹ Ebaibol nọ o rẹ nyaharo. Tudu họ ahwo kpobi awọ re a sẹro uko obeva na re a jẹ kiẹe riwi kẹ omobọ rai evaọ oke kpobi nọ a bi mu uwuhrẹ okpokpọ họ.
Ole Avọ 189 (208) gbe olẹ ekuhọ.
Oka nọ O Rọ August 26 Muhọ
Ole Avọ 104 (164)
5 min: Iwhowhovia obonẹ. Whowho ọruẹrẹfihotọ usiuwoma ota kẹ ukuhọ oka na.
15 min: Ẹme nọ ọkpako nọ ọ rẹ riẹ ẹme ru ziezi o re ru evaọ ẹmeọta kpahe oware nọ o rọ uko obeva Odibọgba Uvie Mai ọrọ August 1994 (ọrọ Oyibo). T’ẹme no uzoẹme ọ “Exercising Your Rights” (Efihiruo Ẹkẹ-Uvẹ Ra) edhe-ẹme 18-22 ze. Dhesẹ nọ esipito jọ a bi tube se azẹ fihọ Isẹri na oma dede keme isẹri jọ a whobọ họ omobe ọrọwokugbe ẹsipito taure a te ti se eme nọ e riẹe eva. Obe ọ unuzou ẹsipito na o rẹ sae ta nọ whọ ‘kẹ rai uvẹ re a fi oghẹrẹ oma-usiwo kpobi họ iruo,’ nọ ẹsipito na a rẹ rehọ wọhọ obe udu nọ a wo no obọ ọnọ ọ be mọ na ze re a rehọ azẹ ruiruo. U fo re a kpoka ruru uye-ẹme otiọye na a ve fi onana kugbei: ‘A rẹ kuvẹ kẹ azẹ sefihọ oma evaọ oke ovo ho.’ Fiẹgba họ ithubro nọ e rọ edhe-ẹme avọ 18 na. Tudu họ iviuwou kpobi awọ re a fi uko obeva na kẹloma kẹse kẹse. Ahwo nọ ọrai o vru a rẹ sae mi okere-obe ukoko na ọfa. Otẹrọnọ ukoko na a gwọlọ efa, a rẹ sae vi ai no obọ Ukoko-Ulogbo ze. Fiẹgba họ ẹgwọlọ nọ ahwo kpobi a re ro fi omobe ọ Advance Medical Directive/Release họ ẹkpa rai kẹse kẹse re a jẹ t’ẹme kugbe edọkita rai kpahe edikihẹ rai kpahe azẹ evaọ iweze ọsosuọ, a gbẹ hẹrẹ te oke nọ ẹyao ọ tẹ ga hrọ no ho. Iviena muẹrohọ nọ omobe ọ Advance Medical Directive/Release na a rẹ sa-ae mu ewu re a rue riẹ wọhọ ebaje ekokohọ họ. Ma rẹ wha ae lele oma kẹse kẹse, evaọ ẹkpa ewu, epọso, hayo ẹmẹkpa, rekọ a re kpei fihọ re ahwo a rue riẹ hẹ.
15 min: “Ewuhrẹ—Rehọ iẹe Jiri Jihova.” Ẹme nọ ọkpako o re ru no Uwou-Eroro Na ọrọ February 1, 1996, ewẹ-obe 14-19 ze. Fiẹgba họ epanọ uwuzou te re a wuhrẹ epanọ a re se je kere ziezi. Ru aghare ọ ewuhrẹ iruo ugbobọ rọkẹ ẹria ekẹdẹ kẹdẹ vevẹ. Ku ẹme na họ ẹkwoma edhesẹ oghẹrẹ uwuhrẹ ugbobọ nọ ewuhrẹ nọ ọrọ owowa u re kugbe.
10 min: Kiẹ Ebe nọ A Ti Fihọ Ada Evaọ September Riwi. Ma te rehọ obe na Whọ Sae Ria Bẹdẹ Bẹdẹ eva Aparadase ọ Otọakpọ ruiruo evaọ obọdẹ usi ovravra. Obe ọ Ria Bẹdẹ Bẹdẹ na o re lọlọhọ kẹ otoriẹ yọ o rẹ kẹ ẹruore. Iwuhrẹ Ebaibol i rovie via evaọ izou 30 obe na kpobi. O wo ifoto nọ i bu vi 100. Izoẹme ọ izou 11 a ru rai wọhọ enọ nọ e rẹ kpare isiuru. Uzou 1 u dhesẹ ẹjiroro Ikereakere owowa epanọ uzuazọ ebẹdẹ bẹdẹ o gbẹ rọ oware ewezẹ hẹ. Uzou avọ 7, “Epanọ Majẹ Rọ Etenẹ,” u ti wo isiuru kẹ ahwo nọ otofa uzuazọ u bi reghe aro. Fiki ẹvohẹ gbe emuemu nọ ọ rọ odode nẹnẹ, uzou avọ 11, “Fikieme Ọghẹnẹ Ọ Jẹkẹ Emuemu Uvẹ?,” ababọ avro o te kpare isiuru enọ i wo uwou buobu. Uzou avọ 29, “Obokparọ Uru Fihọ Uzuazọ Uviuwou,” u ti wo isiuru kẹ te ezae te eyae. Ifoto nọ e rọ ewẹ-obe 156-158 kpahe eware nọ e te jọ akpọ ọkpokpọ Ọghẹnẹ a sae rehọ ai mu ẹmeọta họ lọlọhọ. Jọ owhowho-uvie nọ o te ọ rehọ idhere enana jọ ru odhesẹvia ọkpẹkpẹe ọrọ obẹ ọ Ria Bẹdẹ Bẹdẹ na. (Otẹrọnọ whọ ma-oma nọ whọ te rehọ ebe efa nọ e riẹ ruiruo enọ a fodẹ evaọ obọdẹ usi ovravra na ha, whọ rẹ sae ruẹrẹ odhesẹvia obọ ra họ whọ vẹ rehọ ai no eme nọ i fo no uzedhe obe oyena ze.)
Ole Avọ 113 (143) gbe olẹ ekuhọ.