Omaa Ewuhrẹ Odibọgba

Oka nọ O rọ August 11 Muhọ

Ole avọ 63

10 min: Iwhowhovia obonẹ. Nọ ogbotu na re a ta kpahe izoẹme nọ e rrọ emagazini ekpokpọ na nọ a roro nọ e te were ahwo ẹkwotọ rai. Nọ ogbotu na re a fodẹ igogo eme jọ nọ e rrọ izoẹme na nọ a roro nọ a ti ro fi emagazini na họ ada. Enọ vẹ a rẹ sae nọ ro mu ẹme họ? Ikereakere vẹ evaọ uzoẹme na a roro nọ a sai se? Ru ọruẹrẹfihotọ re a ru odhesẹvia epanọ a sae rọ rehọ iroro nọ a jẹ ze na ro fi emagazini enana họ ada.

15 min: Etausiuwoma nọ E Tẹrovi Iruo Usiuwoma Ota Na. Ẹme nọ a re ru no Uwou-Eroro ọ March 1 1998 ze (ọrọ Oyibo), ẹwẹ-obe avọ 30, edhe-ẹme avọ 4-6.

20 min: “Kọ Whọ Be Rehọ iẹe Ruiruo Vọvọ?”a Kiẹ owhowho-uvie jọ riwi re o gbiku oware nọ ọ rọ ẹro ruẹ nọ ọ jẹ rehọ ọjọ evaọ usu izoeme ekpokpọ nọ e rrọ Uwou-Eroro ẹgbede na ruiruo. A sai ru odhesẹvia epanọ o via dẹẹ. Ofariẹ, rehọ eme nọ e rrọ edhe-ẹme avọ 2 ro ru odhesẹvia epanọ a sae rọ rehọ uzoẹme na “Oware Nọ Ma Wuhrẹ Mi Jesu” nọ o rrọ Uwou-Eroro ọ July-September na rọ to obe-uwuhrẹ Ebaibol họ.

Ole avọ 26

Oka nọ O rọ August 18 Muhọ

Ole avọ 135

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro ọsosuọ amara ọ August. Kareghẹhọ ahwo na kpobi re a wha Uwou-Eroro ọ July-September gbe Awake! September lele oma ziọ Ewuhrẹ Odibọgba oka notha, re a jẹ ruẹrẹ oma kpahe nọ a te rọ ta kpahe epanọ a sai ro fi emagazini na họ ada evaọ ẹkwotọ rai.

20 min: Ẹgọ gbe Osẹ Mai O rẹ Wha Orro Se Jihova. Ẹme nọ ọkpako ukoko o re ru. Fikinọ Jihova yọ Ọghẹnẹ ọrẹri, ẹfuọ ugboma yọ oware nọ u wuzou gaga evaọ udevie idibo riẹ. (Ọny. 30:17-21; 40:30-32) Ma rẹ rọ ẹkwoma emamọ ẹgọ gbe osẹ mai ru Jihova evawere, jẹ wha orro sei, maero evaọ odibọgba na. (1 Pita 2:12) Rekọ, nọ ẹgọ gbe osẹ mai o gbe woma ha, o sae wha ‘afuẹwẹ se ẹme Ọghẹnẹ.’ (Tait. 2:5) Gbiku oware jọ nọ o via evaọ oborai hayo nọ a kere fihọ ebe mai nọ u dhesẹ epanọ emamọ ẹgọ gbe osẹ owhowho-uvie jọ u ro rovie uvẹ fihọ kẹe se isẹri.

15 min: Izoge nọ I bi Se Emamọ Isẹri. Ẹme uduotahawọ kẹ esẹgbini avọ emọ rai nọ e te wariẹ mu isukulu họ kẹle. Ta udu họ izoge awọ re a rehọ uvẹ kpobi nọ u rovie fihọ se isẹri. Nọ oke o tẹ gbẹ riẹ, zizie emọ-isukulu re a gbiku oghẹrẹ nọ a ro se isẹri evaọ obọ isukulu.

Ole avọ 61

Oka nọ O rọ August 25 Muhọ

Ole avọ 24

15 min: Iwhowhovia obonẹ. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na.

20 min: “Ikokohọ Akpọ-Soso E rẹ Wha Orro se Jihova.” Fiẹgba họ epanọ u wuzou te re ohwo kpobi ọ nya lele ọruẹrẹfihotọ nọ ukoko na u ru kpahe ikokohọ akpọ-soso.

15 min: Ruẹrẹ Oma Kpahe re Who Fi Uwou-Eroro ọ July-September gbe Awake! September họ Ada. Ẹme nọ ogbotu ọ rẹ kpahe fihọ. Rehọ omoke jọ ta kpahe izoẹme nọ e rrọ emagazini na, whọ vẹ nọ ogbotu na re a fodẹ izoẹme nọ a roro nọ e te were ahwo ẹkwotọ rai. Onọ gbe ikereakere vẹ a roro nọ a sae rọ rehọ uzoẹme na fi emagazini na họ ada. Ru odhesẹvia epanọ a sae rọ rehọ edhere usiuwoma ota oriruo jọ nọ o rrọ Odibọgba Uvie Mai ro fi emagazini na họ ada. Jọ ọkpako ukoko ọ rehọ uzoẹme jọ nọ u ti kiehọ ẹkwotọ rai nọ ọ ruẹrẹ kpahe ro ru odhesẹvia ọkpẹkpẹe.

Ole avọ 194

Oka nọ O rọ September 1 Muhọ

Ole avọ 112

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro avivẹ amara ọ August.

20 min: A Fi Rai Họ Oria Rai Sa Rekiyọ A Re Thọrọ Ẹro Ho. Ẹme nọ a rehọ no Uwou-Eroro ọ April 15, 2008 ze, ẹwẹ-obe avọ 25-28. Fodẹ edẹ inievo nọ e kpako no evaọ ukoko rai nọ e be rria iwou nọ a jẹ rẹrote ekpako soso. Ahwo otiọye a gbẹ riẹ hẹ, rehọ eme nọ e rrọ uzoẹme na ta udu họ ukoko na awọ re a fi obọ họ kẹ ahwo nọ e be mọ hayo enọ e be sai wobọ tere he evaọ iruẹru ukoko na fiki oma rai nọ o ga tere he.

15 min: Jọ Iweze Ọsosuọ To Obe-Uwuhrẹ Ebaibol họ Evaọ Amara ọ September. Ẹme nọ ogbotu ọ rẹ kpahe fihọ. Evaọ September ma ti fi obe ọ Ebaibol Wuhrẹ na họ ada, yọ ma rẹ daoma re ma rehọ idhe-eme jọ lele ohwo na tẹme evaọ iweze ọsosuọ. Kiẹ iroro nọ a jẹ fihọ uko-obeva ọ Odibọgba Uvie Mai ọrọ March 2006 na riwi, je ru odhesẹvia ọvo hayo ivẹ ro dhesẹ epanọ a rẹ rọ to obe-uwuhrẹ Ebaibol họ evaọ iweze ọsosuọ.

Ole avọ 74

[Oruvẹ-obotọ