Jeuova Protek Im Piipl Dem

Di fos Paasuova did a wan big big sitn. Pan da nait de wen Fiero fain out se fi’im pikni we did baan fos did ded, im tel Muoziz se “Git op, gwaan fram mongks mi piipl, yu an di ada Izrelait dem. Gwaan go sorv Jeuova, jos laka wa yu did se.” (Ex 12:31, NWT )Jeuova shuo se im aalwiez de de fi protek im piipl dem.

Wen wi luk bak iina di diez pan di piipl dem we did a sorv Jeuova, wi kyan si se Jeuova stil de de fi im piipl dem an a protek dem. Wi si dis iina wan myuuziyom we de a di ed afis fi di Jeuova Witnis dem iina wan paat we niem “A People for Jehovah’s Name.”

WACH DI VIDIYO WAN TUOR A WARWICK MYUUZIYOM: “A PEOPLE FOR JEHOVAH’S NAME,” AN DEN ANSA DEM KWESTIYAN YA:

• 

  Fram 1914, wa did difrant bout di sitn we di Baibl Styuudent dem did yuuz fi mek piipl fiet iina di Baibl get chrangga? Umoch gud did kom outa dat?

• 

  Wa a som bad sitn we did apm iina 1916 an 1918, an wa shuo se Jeuova a di wan we a ron im aaganaizieshan?

• 

  Ou Jeuova piipl tan op chrang no mata ou ada piipl chrai fi mek dem tap sorv Jeuova?

• 

  Wa dem did fain out iina 1935, an ou dat did mek dem fiil?

• Wa yu si iina da vidiyo ya we mek yu si se Jeuova stil de de fi im piipl an a protek dem?