JULAI 28–AAGOS 3
PRAVORBZ 24
Sang 38 An Prieya | Tingz We Wi Fi Luk Out Fa Iina Di Miitn (1 min.)
1. Du Wa Yu Fi Du So Yu Kyan Tan Op Chrang Wen Prablem Lik Yu
(10 min.)
Gwaan lorn wa di Baibl se an dat wi mek yu nuo wa fi du (Pr 24:5; it-2-E 610 ¶8)
Gwaan du di sitn dem we a-go kip yu kluos tu Jeuova wen yu fiil fi gi op (Pr 24:10; w09-E 12/15 18 ¶12-13)
Wen wi lov Jeuova an chos iina im, dat wi elp wi fi go chuu wi prablem dem an aarait (Pr 24:16; w20.12-E 15)
2. Di Preshos Tingz Fram Di Baibl
(10 min.)
Pr 24:27—Wa wi lorn fram da vors ya? (w09-E 10/15 12)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 13:44-58 (th-E stodi 11)
4. Wen Wi Taak Tu Piipl Fi Di Fos Taim
(2 min.) PRIICH TU PIIPL ENIWE YU DE. Unu don taak bifuo yu get wan chaans fi tel dem sitn bout di Baibl. (lmd lesn 2 paint 4)
5. Wen Wi Taak Tu Piipl Fi Di Fos Taim
(3 min.) WEN WI A PRIICH OUS TU OUS. (lmd lesn 3 paint 4)
6. Wen Wi Taak Tu Piipl Fi Di Fos Taim
(3 min.) WEN WI A DU KYAAT WOK AR A PRIICH WE NOF PIIPL DE. Tel di sumadi bout ou wi stodi di Baibl wid piipl, an gi dem wan a wi Baibl stodi kyaad dem. (lmd lesn 4 paint 3)
7. Wan Baibl Taak
(3 min.) lmd som ada tingz fi luk pan A paint 11—Tapik: Gad Av Wan Mesij Fi Wi. (th-E stodi 6)
Sang 99
8. Wi Fi Elp Wi Wan Aneda Wen Tingz Get Aad
(15 min.) Taak an kwestiyan.
Aal av a sodn, som bad tingz kyan staat gwaan. Laik wan bad siknis kyan staat go roun wich paat wi liv, orikien an dem ting de kyan lik wi, piipl kyan staat fait gens wi kaaz a wa wi biliiv iina, waar mait-a brok out wich paat wi liv, ar piipl mait-a staat blak ruod an demanschriet wich paat wi liv. Wen di breda an sista dem a go chuu dem sitn ya, dem di de fi dem wan aneda. Bot, aal ef a no wi dem sitn de apm tu, wi stil fiil it fi wi breda an sista dem an wi de de fi elp dem.—1Kor 12:25, 26.
Riid 1 Kingz 13:6 an Jiemz 5:16b. Den aks da kwestiyan ya:
Wen sumadi we a sorv Gad prie fi sumadi, wa mek wi kyan se dem prieya ful op a powa?
Riid Maak 12:42-44 an 2 Korintiyan 8:1-4. Den aks da kwestiyan ya:
Aal ef wi no av no wol iip a moni, wa mek wi no fi mek dat tap wi fram gi moni fi elp out wi breda an sista dem aal uova di worl?
Plie di VIDIYO Dem Push Di Breda An Sista Dem Fi Tan Op Chrang We Liv A Wan Plies We Di Jeuova Witnis Dem Wok Anda Lak Dong. Den aks dem kwestiyan ya:
Wen wi wok did anda lak dong iina di iis paat a Yuurop, wa a som a di sitn dem we di breda an sista dem did du fi elp dem wan aneda?
Wen wi wok did anda lak dong, ou di breda an sista dem did shuo se dem a du wa di Baibl se an gwaan miit tugeda an elp dem wan aneda fi tan op chrang?—Iib 10:24, 25
9. Di Baibl Stodi Fi Wi Miitn
(30 min.) lfb lesn 4-5