Yu Wuda Waahn Sain Op Fi Di School for Kingdom Evangelizers?

Yu a wan regila paiyanier? Yu iej de bitwiin 23 an 65 ierz uol? Yu aati? Yu kyan elp out we dem waahn muo elp? Ef yu se yes tu dem kwestiyan ya, yu tingk yu kuda sain op fi di School for Kingdom Evangelizers? Sins dem did kip di fos klaas, uol iip a ozban an waif, bredaz we no marid, an sistaz we no marid sain op fi go. Bot wi wel waahn muo bredaz we no marid fi sain op. Beg Jeuova fi elp yu fi waahn du muo fi’im jos laik im Son. (Ps 40:8; Mt 20:28; Iib 10:7) Den tingk bout ou yu kyan kot bak pan yu wok ar ada tingz we yu mait-a du fi yuself fi si ou yu kyan get fi go a di skuul.

Wa a som a di ting dem we di wan dem we gradiyiet fram di skuul get fi du? Dem sen som a di breda an sista dem we gradiyiet fram di skuul fi go elp out a som plies we dem taak wan neda langwij ar fi go wok iina speshal mechropalitan poblik witnisin. Dem sen som a dem fi go bi sobstityuut sorkit uovasiya, sorkit uovasiya, ar fiil mishineri. Az yu tingk bout wa yu kyan du fi Jeuova, yu kyan du jos laik Aizaiya wen im se: “Here I am! Send me!”​—Isa 6:8.

WACH DI VIDIYO FIELD MISSIONARIES​—WORKERS IN THE HARVEST, AN DEN ANSA DEM KWESTIYAN YA:

• 

  Ou dem pik di fiil mishineri dem?

• 

  Wa a som a di gud ting dem we di fiil mishineri dem a du?

• 

  Wa a som a di blesn dem we dem get?