FEBIWERI 26–MAACH 3
SAAMZ 11-15
Sang 139 An Prieya | Tingz We Wi Fi Luk Out Fa Iina Di Miitn (1 min.)
1. Tingk Bout Ou Yu Laif A-Go Stie Wen Yu Iina Paradais
(10 min.)
Kaa nof piipl no bizniz bout di laa dem iina dem konchri, a dat mek so moch kraim an vailens a gwaan nowadiez (Sa 11:2, 3; w06-E 5/15 18 ¶3)
Wi nuo fi shuor se Jeuova suun get rid a kraim an vailens (Sa 11:5; wp16.4-E 11)
Wen wi tingk bout aal a di gud sitn dem we Jeuova a-go du fi wi, dat wi elp wi fi gwaan wiet til Paradais kom (Sa 13:5, 6; w17.08-E 6 ¶15)
DU DIS: Riid Iziikel 34:25, an tingk bout ou it a-go swiit fi de iina da nais nais plies de we it a taak bout.—kr-E 236 ¶16.
2. Di Preshos Tingz Fram Di Baibl
(10 min.)
Sa 14:1—Ou wan Kristiyan kuda staat tingk di wie ou da vors ya se ada piipl wudaana tingk? (w13-E 9/15 19 ¶12)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 13:1–14:7 (th-E stodi 2)
4. Wen Wi Taak Tu Piipl Fi Di Fos Taim
(2 min.) PRIICH TU PIIPL ENIWE YU DE. Invait di sumadi fi kom a di Laad Sopa. (lmd lesn 5 paint 3)
5. Wen Wi Taak Tu Piipl Fi Di Fos Taim
(1 min.) WEN WI A PRIICH OUS TU OUS. Invait di sumadi fi kom a di Laad Sopa. (lmd lesn 3 paint 4)
6. Wen Wi Taak Tu Piipl Fi Di Fos Taim
(3 min.) WEN WI A PRIICH OUS TU OUS. Di sumadi shuo se dem waahn kom a di Laad Sopa. (lmd lesn 7 paint 4)
7. Elp Dem Fi Ton Jiizas Falara
(5 min.) lff lesn 13 di paat we niem: dis a wa yu fi memba, wa yu did lorn iina da lesn ya? an du dis. Yuuz sitn we de iina di paat we niem “Chek Out Som Muo Sitn” fi elp yu Baibl stodi fi si ou Gad fiil bout di rilijan dem we naa worship im di rait wie. (th-E stodi 12)
Sang 8
8. Di Sitn Dem Iina Di Baibl We Mek Yu Waiz Beta Dan Eniting We Yu Kyan Yuuz Fi Difen Yuself
(10 min.) Taak an kwestiyan.
Rait ya nou ya a bie kraim an vailens a gwaan aal uova di worl. Jeuova nuo se dem sitn ya we wi si a gwaan kyan mek wi staat fret an wori wori op wiself. An im nuo se wi a-go waahn fi protek wiself. Di sitn dem we Jeuova tiich wi iina di Baibl kyan elp fi protek wi an kip wi sief.—Sa 12:5-7.
Di sitn dem we iina di Baibl we kyan elp yu, beta dan eniting we yu kuda yuuz fi difen yuself. (Iik 9:18) Tingk bout ou dem sitn ya we wi lorn fram di Baibl kyan elp fi protek wi an kip wi sief.
Iik 4:9, 10—No go no we bai yuself we yu nuo se no sief
Pr 22:3—Mek shuor yu nuo wa a gwaan roun yu wen yu de pan di ruod
Pr 26:17—Main yu uona bizniz wen yu si piipl a kos an galang bad
Pr 17:14—Ef yu de somwe an it luk laik sitn bout fi go dong, tek we yuself. An no go no we we yu si wan bag a piipl gyada op laik dem bout fi blak ruod an dem ting de
Lu 12:15—No di de a difen yu sitn dem an go du notn we kuda mek yu luuz yu laif
Plie di VIDYIO Fala Piipl We Did Chos Iina Gad Laik Iinok, No Fala Lamek. Den aks da kwestiyan ya:
Ou wa Iinok did du did elp da faada ya fi nuo wa fi du bout aal a di kraim an vailens we did a gwaan roun im an im fambili? —Iib 11:5
Som a di taim wan Kristiyan mait-a afi du sitn fi difen imself ar protek di sitn dem we im av. Bot ef im a du dat, im waahn fi mek shuor se im no du notn we kuda kaaz sumadi fi ded.—Sa 51:14; luk pan “Questions From Readers” iina The Watchtower fi Julai 2017.
9. Fram Satde Maach 2, Wi A-Go Wok Aad Aad Fi Invait Piipl Fi Kom A Di Laad Sopa
(5 min.) Wan elda a-go gi wan taak. Tel dem wa di kanggrigieshan gweehn du fi invait piipl fi kom a di speshal taak an di Laad Sopa. Mek dem nuo se dem kyan sain op fi du 15 owa wen dem a aagzilari paiyanier iina Maach an Iepril.
10. Di Baibl Stodi Fi Wi Miitn
(30 min.) bt chap. 6 ¶9-17