Gwaan Chos Iina Jeuova An Nuo Se Im Av Di Powa Fi Protek Yu Fram Eniting

Riid Nombaz 13:25–14:4 fi si ou di Izrelait dem neehn chos iina Jeuova.

Chrai fi fain out muor bout wa yu a riid bout. Wa mek di Izrelait dem shuda nuo fi shuor se Jeuova kuda protek dem wen dem a lef Iijip? (Sa. 78:12-16, 43-53) A wa did kaaz dem fi no chos iina Jeuova agen? (Dyuu. 1:26-28) Ou Jashwa an Kieleb did shuo se dem chos iina Jeuova?​—Nom. 14:6-9.

Lorn som muo. Wa di Izrelait dem kuda du fi bil op dem chos iina Jeuova? (Sa. 9:10; 22:4; 78:11) Wa mek wi fi av nof rispek fi Jeuova bifuo wi kyan se wi chos im?​—Nom. 14:11.

Tingk bout di sitn dem we yu a lorn an du dem. Aks yuself dem kwestiyan ya:

• ‘Wa an wa kuda apm we kuda mek it aad fi mi chos iina Jeuova?’

• ‘Wa mi kyan du fi bil op mi chos iina Jeuova nou an iina di fyuucha?’

• ‘Wa mek mi no fi fried a di wos sofarieshan?’​—Luuk 21:25-28.