PAAT 8

Jiizas Det—Wa Dat Afi Du Wid Yu?

Jiizas ded so dat wi kyan liv. Jan 3:16

Chrii die afta Jiizas ded, som uman go a di plies we im did beri an fain se it emti. Yu nuo wa mek? Kaaz Jeuova did riez op Jiizas fram di ded.

Jiizas shuo imself tu im apasl dem an likl afta dat, im go bak op a evn

Afta dat, Jiizas shuo imself tu im kluosis falara dem.

So a chuu! Jeuova did riez Jiizas fram di ded az wan powaful spirit sumadi we kyan neva ded agen. Im disaipl dem wach im az im tek taim go we fram dem go op iina evn.

Gad riez Jiizas fram di ded an gi im di powa fi ruul iina im Kindom. Revilieshan 11:15

Fram im chuon iina di Kindom, Jiizas ruul uova di piipl dem we de iina paradais pan di ort

Jiizas gi op im laif fi siev wi fram sin an det. (Matyu 20:28) Bikaaz Jiizas du dat fi wi, a so kom Gad kyan mek wi liv fi eva.

Jeuova gi Jiizas di powa fi ruul az King uova di uol ort. 144,000 a Jiizas falara dem a-go riez op fram di ded fi go liv wid im iina evn. Jiizas an di 144,000 a-go ruul tugeda iina di Kindom a Gad, we a wan govament iina evn.—Revilieshan 14:1-3.

Di Kindom a Gad a-go ton di uol ort iina wan Paradais. No muor waar! No muor kraim! No muor pavati! An nobadi naa go onggri agen. Piipl a-go api kyaahn don.—Psalm 145:16.