Wi Niid fi Protek Wi Aat

1. Gad waahn wi fi protek wi aat

Kaaz dat wi kip wi sief.

Jeuova riid wi aat an si

Di wie wi riili stie.

Wi aat kyan mek wi go aschrie;

Wi afi chrien it gud!

Wi yuuz wi main fi gaid wi aat,

Wid chrienin fram Gad Wod.

2. Fi sorch fi Gad, wi prie tu im—

An so pripier wi aat.

Wi tel im wa de diip insaid;

Wi gi im priez an tangks.

Di ting dem we Jeuova se,

A dem wi waahn fi du.

Wi no fi mek wi aat get tof.

Wi tiich it fi du gud.

3. Di ting dem we wi fuokos pan

Kyan spwail wi main an aat.

So mek wi tingk bout tingz we kliin,

We mek Jeuova glad.

Jeuova lov im piipl uu

Mek shuor dem aat stie chuu.

Wi worship im wid a kliin aat,

An kip im laa dem tu.