SANG 57
Wi Priich tu Evribadi
1. Jeuova waahn di uol a wi get laif;
Im lov di yong an uol, di rich an puor.
Kom mek wi shuo im se wi lov dem tu;
Gi dem a chaans fi liv fi eva muor.
(KUOROS)
Mek wi priich an tiich, an riich
Aal di piipl we wi miit.
No wach dem fies; wi chrai fi riich dem aat.
Mek wi shuo dem se wi kier,
An mek evribadi ier
We dem kyan du fi bi a fren a Gad.
2. Wi priich tu dem no mata we dem de;
Wi beg Jeuova elp wi du wi paat.
An mek wi chrai no joj nobadi fies;
Onggl Jeuova Gad kyan riid dem aat.
(KUOROS)
Mek wi priich an tiich, an riich
Aal di piipl we wi miit.
No wach dem fies; wi chrai fi riich dem aat.
Mek wi shuo dem se wi kier,
An mek evribadi ier
We dem kyan du fi bi a fren a Gad.
3. Wen piipl chuuz fi sorv di livin Gad,
Im tek dem iin an chriit dem laik im uon.
Laik ou wi nuo dis, mek wi len a an
Iina di priichin work we suun fi don.
(KUOROS)
Mek wi priich an tiich, an riich
Aal di piipl we wi miit.
No wach dem fies; wi chrai fi riich dem aat.
Mek wi shuo dem se wi kier,
An mek evribadi ier
We dem kyan du fi bi a fren a Gad.
(Riid Jan 12:32; Aks 10:34; 1 Tim. 4:10; Tai. 2:11 tu.)