Eng aan, an Kip Yu Jai tu di En

1. Di fos taim wi did ier di chuut,

Wi aat did ful a jai.

Bot somtaim chuu di schres wi fies,

Wi fiil se wi fi stap chrai.

Bot memba se Gad pramis dem

A-go apm laik im se.

So tingk bout dem, an tan op chrang;

Eng aan rait dong tu di en.

2. Wen wi fies chraiyalz iina laif,

It aad; wi naa go lai.

Bot Jiizas se wi chraiyal dem

Suun don, so wi stil av jai.

Ef wi eng aan wen chobl kom,

An wi chos iina wi Gad,

Jeuova a-go gi wi schrent.

Wi fiet a-go get so chrang.

3. Aal uu eng aan an tan op chrang—

A dem a-go get siev.

Jeuova av wan buk a laif—

A de so im rait dem niem.

So mek shuor se, no mata wa,

Yu eng aan an kip yu jai.

Yu Faada a-go pliiz wid yu;

Di riil laif yu gweehn enjai.