SANG 161
Mi Lov Fi Mek Yu Glad
(Saam 40:8)
1. Fi yu Bwai get baptaiz an memba
Aal di tingz yu sen im fi du.
Im wok die an nait jos fi priez yu
An im tan op chrang fi yu.
Im mek piipl taak gud tingz bout yu
Wen im de pan ort a priich.
Im wok aad fi big op yu niem, an
A di sed ting mi a prii.
(KUOROS)
Uo Gad, mi wel api fi du
Aal we yu waahn mi du fi yu.
Yu mek mi glad, mi api bad.
Mi waahn big yu op fi chuu.
Yu Wod, it mek mi fyuucha brait—
It se yu suun bring Paradais.
Mi lov mi Gad, mi lov yu bad.
Mi gweehn fala yu mi Laad.
Mi api bad.
2. Fram mi get fi nuo yu, Jeuova,
A jos suo-so jai mi a fiil.
Mi no shiem fi tel piipl bout yu
Kaaz yu lov fi mi, it riil.
Mi so proud fi bi fi yu Witnis,
So wid aal mi aat mi priich.
Wen di uol a wi kom tugeda,
Notn els kyaahn fiil so swiit!
(KUOROS)
Uo Gad, mi wel api fi du
Aal we yu waahn mi du fi yu.
Yu mek mi glad, mi api bad.
Mi waahn big yu op fi chuu.
Yu Wod, it mek mi fyuucha brait—
It se yu suun bring Paradais.
Mi lov mi Gad, mi lov yu bad.
Mi gweehn fala yu mi Laad.
Mi api bad.
Mi lov fi mek yu glad.
(Luk pan Sa. 40:3, 10 tu.)