Mek Dem Nuo Se Yu Kier Bout Dem

Wen wi a diil wid piipl, wi fi chriit dem jengkl an chrai fi andastan wa dem a go chuu. Piipl kyan nuo ef yu riili kier bout dem an yu riili waahn elp dem fram yu aat. Wen wi de iina sorvis an du dis, wi a du laik wa Jeuova wuda du an shuo piipl se wi lov an kier bout dem, an dis wi mek dem lov Jeuova an waahn fi sorv im.​—Fil 2:4.

So ou wi kyan mek piipl nuo se wi a chrai fi andastan wa dem a go chuu? Wen wi a taak tu sumadi, wi fi mek dem si se wi a lisn tu dem an wi a lisn tu dem gud tu. Dis wi mek dem si se yu kier bout dem. Wi a-go tingk bout tingz we dem laik fi du an taak bout, wa dem biliiv iina, an tingz we dem a go chuu. Wi kyan shuo dem tingz we kyan elp dem fi nuo wa fi du, bot wi no fi fuos dem fi dwi’it. Wen wi priich tu piipl an wi si se wi elp dem fi du wa rait, dat mek wi api.

WACH DI VIDIYO TIICH PIIPL BETA AN FIIL DI JAI WE KOM WEN YU ELP SUMADI FI KOM SORV JEUOVA​—CHRIIT DEM JENGKL; MEK DEM NUO SE DEM MIIN UOL IIP TU YU, AN DEN ANSA DEM KWESTIYAN YA:

• 

  Wen Julie did kom liet, ou Neeta did shuo se shi kier bout ar?

• 

  Wen Julie did se shi schres out bad an kudn du ar stodi, wa Neeta did du fi mek ar si se shi kier bout ar?

• 

  Wen Julie did se shi no nuo ou fi put tingz bak wich paat dem fi go, wa Neeta did du fi mek ar si se shi kier bout ar?