Wa Gad Govament A-Go Du Bout Koropshan Iina Palitiks?

Piipl taiyad a di koropshan iina palitiks an dem waahn fi nuo se dem kyan chos di piipl dem we a ruul uova dem. Iina 2023 wi si se nof piipl aal uova di worl se wen it kom aan tu piipl we dem kyan chos, di wan dem we iina govament de dong a di batam a di lis.a

Di Baibl tel wi bout sumadi we a ruul iina wan govament we evribadi kyan chos. Im no lai, im no tiif, an nobadi kyaahn paint no fingga pan im. Da sumadi de a Jiizas Krais an di govament we im a ruul iina a Gad Kindom.​—Aizaiya 9:7.

A fram lang taim Jiizas a shuo se im lov piipl an kier bout dem tu. (Matyu 9:35, 36) Wen Jiizas a ruul uova di ort, im a-go mek shuor se evribadi liv iina piis wid dem wan aneda an im a-go mek shuor se dem get jostis.​—Saam 72:12-14.