Elp Wi fi Briev

1. Wi so lov fi priich di gud nyuuz,

An wi lov fi taak bout yu.

Bot nof piipl, dem no laik it;

Dem waahn tap wa wi a du.

Bot a yu wi waahn obie,

An wi no waahn fi fried a dem.

So wi beg yu, gi wi yu spirit,

Mek wi briev an priich bout yu niem.

2. Iivn wen wi mait-a fiil fried,

Yu wi stil di de fi wi.

Chuu yu nuo se wi no porfek,

Yu gi korij we wi niid.

Du, Jeuova, luk pan ou

Som mait-a shiem wi, ron wi tu.

Du, no mek wi kaaz dat fi tap wi;

Mek wi briev an taak op fi yu.