SANG 88
Tiich Mi Bout Yu Wiez dem
Di Wan We Print
(Psalm 25:4)
1. Wi kom ya bifuo yu, Jeuova, wi Gad.
Tugeda wi tangk yu an priez yu.
Yu Wod stie jos laik wan lait we de gaid wi.
It elp wi fi nuo ou fi pliiz yu.
(KUOROS)
Faada, mi beg yu tiich mi bout yu wiez.
An mek mi nuo ou mi kyan gi yu priez.
Elp mi fi lov yu Laa an aal yu du.
An pliiz fi elp mi aalwiez ana yu.
2. Chuu jostis an lov kom fram yu, uo wi Gad.
A yu a di waizis an schranggis.
Yu gi wi yu Wod—wan gif we av powa.
It tiich wi se yu a di grietis!
(KUOROS)
Faada, mi beg yu tiich mi bout yu wiez.
An mek mi nuo ou mi kyan gi yu priez.
Elp mi fi lov yu Laa an aal yu du.
An pliiz fi elp mi aalwiez ana yu.
(Riid Ex. 33:13; Ps. 1:2; 119:27, 35, 73, 105 tu.)