• Ou Laif Kom Bout Pan Di Ort?
    Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du

    • 3. Wa mek piipl difrant fram di animal dem?

      Afta im don mek di ort, di fos ting we Jeuova du a put uol iip a chrii an flowaz an animal pan it. An afta dat, “Gad mek man wid di siem wiez dem we im av.” (Riid Jenisiz 1:27.) Dat a wa mek wi kyan av som gud wiez laik Gad. Das wai wi kyan lov piipl, an wi kyan du wa rait jos laik Gad. Im mek wi so dat wi kyan iivn lorn wan neda langwij, an im mek wi so dat wi lov fi si priti tingz, an wi lov fi ier myuuzik. Das wai wi no komiin laik di animal dem. Dem kyaahn worship di Wan we mek dem, bot wi kyan worship im.

  • Ou Laif Kom Bout Pan Di Ort?
    Yu Kyan Bi Api Nou An Fi Eva!—Wan Baibl Stodi We Yu A-Go Lov Fi Du

    • 5. Yu kyan biliiv se wa di Baibl se bout ou tingz kom bout, a so it go fi chuu

      Wa di Baibl tel wi se iina Jenisiz chapta 1 bout ou di ort an laif pan it kom bout, a so it go fi chuu? Ar a jos wan mek-op stuori? Plie di VIDIYO, an den wi a-go taak bout dem kwestiyan ya:

      VIDIYO: Wan Paat Fram Di Vidiyo We Niem, A Sumadi Did Mek Di Ort An Di Staar Dem? (3:51)

      Som Picha: Som likl paat fram di vidiyo ‘Wan Paat Fram Di Vidiyo We Niem, A Sumadi Did Mek Di Ort An Di Staar Dem?’ 1. Ef sumadi did de pan di ort wa dem wuda si wen dem luk pan di siks die dem we Jeuova yuuz fi mek di ting dem pan di ort, di muun, di staar dem, an dem ting de. 2. Dis a wa di ort did luk laik afta Jeuova don mek di son, lan, waata, di chrii dem, di bod dem, animal, an man an uman.

      • Di die dem we wi av, av 24 owa iina dem. A riili siks a dem die ya Gad tek fi mek di ort an evriting we a liv pan it?

      • Yu tingk it mek sens fi piipl biliiv wa di Baibl se bout ou laif kom bout? Wa mek yu se so?

      Riid Jenisiz 1:1, an den wi a-go taak bout da kwestiyan ya:

      • Piipl we stodi bout di ort an di staar dem se aal a dem sitn de av wan taim wen dem did staat. Ou wa dem se mach op wid wa yu jos riid iina di Baibl?

      Som piipl wanda ef Gad did mek wan likl sopm we a liv, an den mek it ton iina som ada tingz we liv pan di ort. Riid Jenisiz 1:21, 25, 27, an den wi a-go taak bout dem kwestiyan ya:

      • Di Baibl riili se Gad mek wan likl sopm we a liv an mek it ton iina fish, som animal laik mongki an dem sitn de, an den dem ton iina piipl? Ar im did mek evri kain-a difrant difrant ting we liv pan di ort?b