3. Wa Jeuova waahn im fren dem fi du?

Wen yu tingk bout it, Jeuova lov evribadi, “bot Im a gud gud fren wid di sumadi we a du wa rait.” (Pravorbz 3:32) Jeuova waahn im fren dem fi du wa im se rait, an im waahn dem fi kip we fram wa im se bad. Som piipl mait-a fiil se dat aad fi du, bot Jeuova naa go aks wi fi du notn we im nuo wi kyaahn du. So langks wi a shuo im se wi lov im, an wi a chrai wi bes fi du wa im waahn wi fi du, im wi tek wi az im fren.​—Saam 147:11; Aks 10:34, 35.

Evribadi waahn ton fren wid sumadi we dem kyan chos. Jeuova waahn im fren dem fi anis tu. Bot iina di worl we wi liv iina, it no iizi fi yu fain sumadi we yu kyan chos. Wa gud kyan kom ef wi anis iina evriting we wi du?

1. Wa a di bigis riizn we mek wi fi anis?

Wen wi anis wen wi a diil wid ada piipl, wi mek Jeuova si se wi lov im an wi rispek im. Tingk bout it: Jeuova nuo evriting we wi a tingk bout an evriting we wi a du. (Iibruu 4:13) An im kyan si wen wi a mek shuor se wi anis, an im lov dat. Di Baibl tel wi se: “Jeuova iet di sumadi we lov fi du wa rang, bot im a gud gud fren wid di sumadi we a du wa rait.”​—Pravorbz 3:32.

2. Wa wi kyan du evridie fi shuo se wi anis?

Jeuova waahn wi fi ‘aalwiez taak chuut tu wi wan aneda.’ (Zakaraiya 8:16, 17) Dat miin se aal ef a wi fambili wi a taak tu, di piipl dem we wi wok wid, wi breda an sista dem, ar di piipl dem we wok fi govament, wi no fi tel lai ar se sitn we no go so fi chrik op piipl. Sumadi we anis naa go tiif piipl tingz ar chrik piipl fi get dem moni. (Riid Pravorbz 24:28 an Ifiijan 4:28.) An dem a-go pie aal a dem taks dem. (Ruoman 13:5-7) So wen it kom aan tu dem sitn ya an ada tingz, “wi waahn liv rait iina evri wie.”​—Iibruu 13:18.

3. Wa gud kyan kom ef wi anis iina evriting we wi du?

Wen piipl nuo se wi anis, dem a-go chos wi. Wen wi du dis wi a-go elp mek di kanggrigieshan komiin laik wan big api fambili we evribadi iina it kyan chos dem wan aneda. Wen wi anis, it mek wi kanchens no bada wi. An wen wi anis, piipl wi luk pan wi “an rispek wa wi tiich bout wi sievya Faada Gad,” an it mek di piipl dem we naa sorv Gad waahn kom sorv Gad tu.​—Taitos 2:10.

LORN SOM MUO

4. Wen yu anis, it mek Jeuova api

Riid Saam 44:21 an Malikai 3:16, an den wi a-go taak bout dem kwestiyan ya:

• Wa mek yu biliiv se it no mek no sens fi fiil se wi kyan aid di chuut?

• Ou yu tingk Jeuova fiil wen wi tel di chuut, aal wen it aad fi wi du it?

5. Yu fi anis no mata wa

VIDIYO: Wa A Som A Di Ting Dem We Kyan Mek Yu Riili Api?​—Wen Yu Kanchens Naa Bada Yu (2:32)

Riid Iibruu 13:18, an den wi a-go taak bout ou wi fi mek shuor se wi anis . . .

• wid wi fambili.

• wen wi de a wok ar skuul.

• wen wi a du ada tingz.

6. Wen wi anis, tingz a-go wok out gud fi wi

Somtaim wen yu anis it mait-a kaaz prablem. Bot tingz aalwiez wok out beta wen yu anis. Riid Saam 34:12-16, an den wi a-go taak bout da kwestiyan ya:

• Ou it mek yu laif betaraaf wen yu anis?

1. Wen di ozban dem an di waif dem anis, dem marid laif a-go betaraaf

2. It iiziya fi di baas chos di sumadi dem we a wok fi dem wen dem anis

3. Di piipl dem we a wok fi govament fain se dem kyan chos di piipl dem we iina di konchri we anis

DIS A WA YU FI MEMBA

Jeuova waahn im fren dem fi anis iina evriting we dem a se an iina evriting we dem a du.

Wa yu did lorn iina da lesn ya?

• Wa a som a di wie dem we yu kyan shuo se yu anis?

• Wa mek yu biliiv se it no mek no sens fi fiil se wi kyan aid di chuut?

• Wa mek wi fi anis no mata wa?

CHEK OUT SOM MUO SITN

Ou di mada an faada dem kyan tiich dem pikni dem fi bi anis?

Yu No Fi Lai (1:44)

Wa mek it gud fi wi du wa wi pramis se wi a-go du?

Du Wa Yu Pramis Se Yu A-Go Du An Yu A-Go Get Nof Blesn (9:09)

Fain out ef wi fi pie wi taks dem, aal ef dem naa yuuz it di wie ou dem fi yuuz it.

“Yu Fi Pie Yu Taks Dem?” (Di Wachtowa, Septemba 1, 2011)

Fain out wa mek wan man we neehn anis chienj op im laif an staat fi du tingz difrant.

“Mi Lorn Se Jeuova Gud An Kain Tu Piipl An Im Paadn Dem” (Di Wachtowa, Mie 1, 2015)

2. Ou Jeuova fiil bout di fren dem we yu pik?

A no eni an enibadi Jeuova pik fi bi im fren ino. “Im a gud gud fren wid di sumadi we a du wa rait.” (Pravorbz 3:32) Ou Jeuova wuda fiil ef wi kip fren wid piipl we no lov im? Im wudn fiil gud at aal. (Riid Jiemz 4:4.) Bot ef wi no kip bad kompni, an wi jraa nier tu Jeuova an stik tu di wan dem we lov im, den dat wi mek Jeuova api an im wi waahn ton fi wi fren.​—Saam 15:1-4.