2. Ou wi fi fiil bout moni?

Di Baibl mek wi nuo se “wen yu av moni yu kyan yuuz it fi tek kier a yuself.” Bot it mek wi nuo se moni wan kyaahn mek wi api. (Iikliiziyastiiz 7:12) So it a mek wi si se wi no fi lov moni bot wi fi ‘satisfai wid wat-eva wi av.’ (Riid Iibruu 13:5.) Wen wi satisfai wid wa wi av, it mek wi no waahnti-waahnti ar afi kil op wiself fi get wa wi no av. Bot no onggl dat, it mek wi no lov fi baro baro so dat wi na’afi uo nobadi notn. (Pravorbz 22:7) An wi naa go en op a gyambl an a ron dong tingz we kyan mek wi get rich kwik niida.

5. Wi a-go betaraaf wen wi satisfai wid wa wi av

Wol iip a piipl chrai fi get aal di moni we dem kyan get. Bot a no dat di Baibl tel wi se wi fi du. Riid 1 Timoti 6:6-8, an den wi a-go taak bout da kwestiyan ya:

• Wen wi luk iina Gad Wod, wa wi si se im waahn wi fi du?

VIDIYO: Wi Fi ‘Api Wid Wa Wi Av’ (3:20)

• Aalduo dem av likl bit a moni, wa mek di piipl dem iina dem fambili ya api?

Bot wa ef wi av wol iip a sitn an wi stil waahn muor? Jiizas mek wi nuo ou bad dis bi. Riid Luuk 12:15-21, an den wi a-go taak bout da kwestiyan ya:

• Wa yu lorn fram wa Jiizas did se?​—Luk pan vors 15.

Fi si wa dem skripcha ya av fi du wid dem wan aneda, riid Pravorbz 10:22 an 1 Timoti 6:10. An den wi a-go taak bout dem kwestiyan ya:

• Wich wan a dem ya yu tingk muo impuotant? Fi yu an Jeuova ton gud fren ar fi av wol iip a moni? Wa mek yu se so?

• Wen wi ron dong moni, wa a som prablem we dat kaaz?