Jeuova Kyan Elp Yu fi Priich tu Piipl an Tiich Dem!

Muoziz neehn biliiv se im kuda du di wok we Jeuova did aks im fi du. (Ex 4:10, 13) Yu eva fiil so somtaim? Yu a stodi wid wan a di Jeuova Witnis dem an a wanda ef yu eva kyan go priich laik dem? Ar yu mait-a yong an fried fi priich a skuul. Ar yu mait-a fried fi priich pan di fuon ar fi tan op wan plies iina di poblik an a priich. Beg Jeuova fi gi yu im uoli spirit so yu kyan get chrangga. (1Pii 4:11) Yu kyan shuor se im a-go elp yu fi du eniting we im aks yu fi du.​—Ex 4:11, 12.

WACH DI VIDIYO YU NO AFI FRIED FI PRIICH, AN DEN ANSA DEM KWESTIYAN YA:

• Wa Sista Aoyama did fain it aad fi du?

• Wa shi did du so shi kuda get di chrent fi go priich an no fried? ( Jer 20:7-9)

• Wa a som a di gud sitn dem we shi did get kaa shi du muo fi Jeuova?

• Ef yu fain it aad fi taak tu piipl bout we yu biliiv, ou Jeuova kyan elp yu fi du dat?