No Tap Yuuz Di Magaziin Dem

Sins 2018, evri wan a wi magaziin dem diil wid jos wan tapik. Aal a dem magaziin ya de iina Tingz Fi Yuuz Tiich Piipl. So wi kyan yuuz dem wen wi de iina sorvis. Wi kyan kya som wid wi wen wi a go difrant difrant plies ar wen wi a go bai tingz. Wi no yuuz di magaziin dem fi stodi di Baibl wid piipl, bot wi kyan yuuz dem fi elp sumadi fi waahn nuo muo bout Gad.

Afta yu staat taak tu sumadi, riid wan skripcha an tel dem bout wan magaziin we diil wid sitn we yu tingk dem wuda waahn fi taak bout. Sopuoz dem av wan fambili, ar sumadi ded fi dem, ar dem schres out, yu kyan se “Mi no tuu lang riid sitn we did a taak bout dat. Mi kyan shuo yu it?” Ef dem luk laik dem waahn nuo muo, yu kyan gi dem wan a di magaziin dem we print aredi ar sen dem wan we dem kyan riid pan fuon an dem tingz de. Aal ef a di fos taim wi a taak tu dem, wi kyan du dis. Iivn duo wi no jos waahn a gi out magaziin so, di magaziin dem kyan elp wi fi fain piipl uu waahn fi du di ting dem we dem a lorn.​—Ak 13:48.

2018

2019

2020