SANG 40
A Uu Yu Bilang tu Nou?
Di Wan We Print
1. A uu a fi yu gad?
A uu yu bilang tu nou?
Yu ron go du eniting im waahn;
A dat de wan kanchuol yu aat.
Yu kyaahn-a sorv tuu gad;
Di tuu gad dem kyaahn shier spies.
So duohn wies no taim; jos mek op yu main.
Shuo uu yu gi di fos plies.
2. A uu a fi yu gad?
A uu yu bilang tu nou?
Kaaz wan gad—im faalz, an wan gad chuu,
So yu disaid we yu gweehn du.
Di gad we ruul di worl,
Im waahn yu fi stie kanfyuuz.
Di wan Gad we chuu—a im kier fi yu.
So wich wan yu a-go chuuz?
3. Jeuova a mi Gad.
A im mi bilang tu nou.
Mi ron go du eniting im waahn;
A im mi waahn kanchuol mi aat.
Im sen im speshal Son
Kom gi op im laif fi mi.
Dat toch mi so diip; im lov, it so swiit.
Mi waahn stie fi im pikni.
(Riid Josh. 24:15; Ps. 116:14, 18; 2 Tim. 2:19 tu.)