Gad Word A wan Chrezha

1. Nof buk de bout we piipl tingk impuotant,

Bot wan buk speshal muor dan aal di res.

Di tingz it se av powa fi elp piipl

Fi chienj dem laif an gi Gad fi dem bes.

Da speshal buk de a di Uoli Baibl.

Gad pik bout faati man fi rait im Word.

Gad yuuz im uoli spirit gaid di man dem

An mek dem rait dong wa Gad waahn wi lorn.

2. Di Baibl taak bout ou Gad did kriyiet man.

Di wie im mek wi, man di riili bles.

It tel wi ou Jeuova mek man porfek

Bot ou man sin an so en op a ded.

Di Baibl tel wi bout wan wikid ienjel

We se Gad neva nuo wa im a du.

An siek-a ou di Devl disrispek Gad,

Den Adam sin kom dong tu mi an yu.

3. Mek wi faas faawod kom dong tu di laas diez.

Alduo tingz rof, wi glad fi bi alaiv

Kaaz nou Gad Son a ruul iina im Kindom,

An suun, im a-go bring di Paradais.

Di buk we tiich dis a di Uoli Baibl,

An wi go shier wid adaz wa wi lorn

So wi an dem wi av di piis we Gad gi.

Wi lov da chrezha ya—Gad Uoli Word.