SANG 44
Wan Prieya fi Wen Wi Fiil Doun
Di Wan We Print
(Psalm 4:1)
1. Jeuova Gad, a yu mi beg
fi lisn wen mi prie.
Mi beg yu elp mi diil wid aal
di prablem we mi fies.
Somtaim mi mek mistiek
an wanda ef yu rait mi aaf.
Jeuova, elp mi memba se
yu biga dan mi aat.
(KUOROS)
Du, elp mi op; elp mi uol aan.
Wen mi fiil wiik, du mek mi schrang.
Mi fiil so schres; Jeuova, du,
Mi beg yu mek mi fiil bran nyuu.
2. Somtaim mi no nuo wa fi se
wen taim mi prie tu yu.
Yu Wod an spirit kaam mi aat,
an tiich an gaid mi tu.
Mi beg yu elp mi riid yu Wod
an prie fi bil mi fiet,
An elp mi memba se yu Paradais
—it naa go liet.
(KUOROS)
Du, elp mi op; elp mi uol aan.
Wen mi fiil wiik, du mek mi schrang.
Mi fiil so schres; Jeuova, du,
Mi beg yu mek mi fiil bran nyuu.
(Riid Ps. 42:6; 119:28; Ruo. 8:26; 2 Kor. 4:16; 1 Jan 3:20 tu.)