Ada Tingz Iina Di Yu Kyan Bi Api Nou An Fi Eva! Buk We Kyan Elp Yu

Duohn yu lov ou di kwestiyan dem iina di Yu Kyan Bi Api Nou An Fi Eva! buk mek yu nuo ou di sumadi we yu a stodi wid a tingk? An yu lov di vidiyo dem tu, duohn? An wa bout di paat dem we niem “Sumadi Mait-a Se,” “Du Dis,” and “Chek Out Som Muo Sitn”? Wa els de iina di buk we kyan elp wen wi a priich an tiich?​—Mt 28:19, 20.

Di Sitn Dem We Yu Kyan Wach An Lisn Tu: Sopuos yu lov fi av di buk iina yu an wen yu a du wan Baibl stodi? Ou yu kyan fain aal a di sitn dem fi wach an lisn tu iina wan plies? Iina di buk we de iina JW Laibri, klik pan eni wan a di fuor mien paat dem. A di batam a di piej we av di taikl a di lesn dem, yu kyan klik pan di paat we niem “Di Sitn Dem We Yu Kyan Wach An Lisn Tu.” Wen yu du dat, yu wi si aal a di sitn dem we yu kyan wach an lisn tu fi da paat de. (Luk pan picha nomba 1.)

“Printed Edition”: Ef yu a yuuz yu tablet, yu fuon, ar sitn laka dat fi stodi di Baibl wid sumadi an yu waahn it fi luk laik di buk we yu av iina yu an, yu kyan klik pan di chrii dat dem we de a di tap a di piej. Den klik pan “Printed Edition.” Wen yu dwi’it da wie de, it kyan elp yu fi si ou evriting lain op wid wa di lesn a taak bout. Ef yu waahn tek it bak aafa dat, yu kyan pres bak di chrii dat dem op a di tap an den klik pan “Digital Edition.”

“Mi Redi?”: Dem tuu baks de mek yu nuo wa yu niid fi du fi priich an tiich wid di breda an sista dem, an wa yu niid fi du fi get baptaiz. (Luk pan picha nomba 2.)

Riid Som Muor: Di paat we niem “Riid Som Muor” elp wi fi andastan sortn tingz muor beta. A di en a di difrant difrant paat dem iina di “Riid Som Muor” paat, yu av wan lingk we a-go tek yu bak tu wich paat yu did de iina di lesn. (Luk pan picha nomba 2.)