SANG 91
Di Plies we Wi Bil Kaaz Wi Lov Yu
(Psalm 127:1)
1. Da die ya speshal, Uo Gad,
An yu kyan si wai wi so glad.
Bikaaz a ou wi lov yu so moch,
Wi did gi wi aal.
So wi gi tangks fram wi aat
Kaa fi yu blesn neva shaat.
An nou wi riich di en kaaz yu elp
Wi rait fram di staat.
(KUOROS)
Jeuova Gad, wi riili api
Fi bil wan plies fi ana yu.
Di work we wi did du—yu bles it, an wi so glad
Se yu fiil pliiz wid wa wi du.
2. Nou evribadi so pliiz;
Luk pan dem fies, an wi kyan si’it.
Luk umoch piipl uu ton wi fren
Wi did get fi miit.
So nou, Jeuova, wi prie,
An wi a beg yu evri die
Fi bles di tingz wi du—jos fi yu.
An wi priez yu niem.
(KUOROS)
Jeuova Gad, wi riili api
Fi bil wan plies fi ana yu.
Di work we wi did du—yu bles it, an wi so glad
Se yu fiil pliiz wid wa wi du.
(Riid Ps. 116:1; 147:1; Ruo. 15:6 tu.)