Dis A Tel Wi Bout Paat 2

Wa mek Jeuova did yuuz wan flod fi get rid a muos a di piipl dem we did de pan di ort? Yu si fram Gad staat mek piipl, dem did afi mek op dem main ef dem a-go du gud ar ef dem a-go du bad. Som a di piipl dem laik Adam, Iiv, an dem bwai pikni we niem Kien did mek op dem main fi du bad tingz. Bot yu did av som piipl laik Iebl an Nowa we did mek op dem main fi du wa gud. Kaaz so moch piipl pan di ort did a du so moch wikidnis, Jeuova did afi get rid a dem. Iina da paat ya, wi a-go si se Jeuova nuo wen wi mek op wi main fi du wa gud ar ef wi mek op wi main fi du di bad sitn dem, an im naa go eva mek di wikidnis we a gwaan de bout fi eva.