Tingz We Wi Lov Fi Tiich Piipl Fram Di Baibl

Jiizas did se di piipl dem we wel waahn nuo bout Gad a-go nuo di chuut wen dem ier it. (Jan 10:4, 27) So wen wi a taak tu piipl, wi fi chrai an tel dem som likl tingz we wi lorn fram di Baibl. Wi kyan yuuz wan a dem ya fi aks dem wan kwestiyan: “Yu did nuo se . . . ?” ar “Yu eva ier se . . . ?” Den yu kyan yuuz wan a di skripcha dem fi elp dem fi andastan wa yu a se. Wen yu tel sumadi wan likl ting we yu lorn fram di Baibl, it komiin laik se yu a plaant wan siid an Gad kyan mek da siid de gruo.​—1 Kor. 3:6, 7.

• Di Fyuucha

• Fambili

• Gad

• Prieya

• Jiizas

• Gad Kindom

• Pien An Sofarin

• Wen Sumadi Ded

• Rilijan

DI FYUUCHA

1. 1. Di tingz we a apm ya nou an ou piipl a gwaan mek wi si se tingz suun chienj.​—Mat. 24:3, 7, 8; Luuk 21:10, 11; 2 Tim. 3:1-5.

2. 2. Di ort naa go eva mash op. ​—Sa. 104:5; Iik. 1:4.

3. 3. Evriting pan di ort, laik di rien, di briiz an dem ting de a-go wok ou dem fi wok an di ort a-go ton iina wan Paradais.​—Aiz. 35:1, 2; Rev. 11:18.

4. 4. Wan taim a-go kom wen nobadi naa go sik.​—Aiz. 33:24; 35:5, 6.

5. 5. Yu a-go kyan liv fi eva rait ya-so pan di ort.​—Sa. 37:29; Mat. 5:5.

FAMBILI

1. 6. Wan ozban fi lov im waif ‘jos laik ou im lov imself.’​—Ifii. 5:33; Kol. 3:19.

2. 7. Wan waif fi av nof rispek fi ar ozban.​—Ifii. 5:33; Kol. 3:18.

3. 8. Wan ozban an waif fi stik tu dem wan aneda an no gi dem wan aneda bon.​—Mal. 2:16; Mat. 19:4-6, 9; Iib. 13:4.

4. 9. Tingz wi wok out gud fi di pikni dem we rispek dem mada an faada an du wa dem se.​—Pr. 1:8, 9; Ifii. 6:1-3.

NASA, ESA an di Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

GAD

1. 10. Gad av wan rait niem.​—Sa. 83:18; Jer. 10:10.

2. 11. Gad av wan mesij fi wi. ​—2 Tim. 3:16, 17; 2 Pii. 1:20, 21.

3. 12. Gad no paashal.​—Dyuu. 10:17; Aks 10:34, 35.

4. 13. Gad waahn fi elp wi .​—Sa. 46:1; 145:18, 19.

PRIEYA

1. 14. Gad waahn wi fi prie tu im.​—Sa. 62:8; 65:2; 1 Pii. 5:7.

2. 15. Di Baibl mek wi nuo ou wi fi prie.​—Mat. 6:7-13; Luuk 11:1-4.

3. 16. Wi fi eva a prie.​—Mat. 7:7, 8; 1 Tes. 5:17.

JIIZAS

1. 17. Jiizas a di bes tiicha we eva liv pan di ort, an di sitn dem we im tiich kyan stil elp wi tide.​—Mat. 6:14, 15, 34; 7:12.

2. 18. Di sitn dem we a apm nowadiez, Jiizas did don mek wi nuo se dem wudaana gwaan.​—Mat. 24:3, 7, 8, 14; Luuk 21:10, 11.

3. 19. Jiizas a Gad Bwai Pikni.​—Mat. 16:16; Jan 3:16; 1 Jan 4:15.

4. 20. Jiizas a no di Muos Ai Gad.​—Jan 14:28; 1 Kor. 11:3.

Bies pan NASA/Visible Earth imagery

GAD KINDOM

1. 21. Gad Kindom a wan govament we de iina evn.​—Dan. 2:44; 7:13, 14; Mat. 6:9, 10; Rev. 11:15.

2. 22. Gad Kindom a-go get rid a aal a di govament dem we de pan di ort.​—Sa. 2:7-9; Dan. 2:44.

3. 23. A onggl Gad Kindom kyan get rid a aal a di prablem dem we iina di worl.​—Sa. 37:10, 11; 46:9; Aiz. 65:21-23.

PIEN AN SOFARIN

1. 24. Di bad ting dem we apm we mek wi sofa, a no Gad kaaz dem.​—Dyuu. 32:4; Jmz. 1:13.

2. 25. A Sietan a ruul da worl ya.​—Luuk 4:5, 6; 1 Jan 5:19.

3. 26. Gad fiil it fi yu wen yu a go chuu yu prablem dem.​—Sa. 34:17-19; Aiz. 41:10, 13.

4. 27. Gad suun get rid a evriting we ort wi an kaaz wi fi sofa. ​—Aiz. 65:17; Rev. 21:3, 4.

WEN SUMADI DED

1. 28. Piipl we ded no nuo notn we a gwaan roun dem an dem naa fiil no pien, an dem no de no we a sofa niida.​—Iik. 9:5; Jan 11:11-14.

2. 29. Sumadi we ded kyaahn du notn fi elp wi an dem kyaahn du notn fi ort wi niida.​—Sa. 146:4; Iik. 9:6, 10.

3. 30. Wi piipl dem we ded a-go kom bak alaiv.​—Juob 14:13-15; Jan 5:28, 29; Aks 24:15.

4. 31. “Nobadi naa go ded agen.”​—Rev. 21:3, 4; Aiz. 25:8.

RILIJAN

1. 32. A no aal a di rilijan dem Gad aarait wid.​—Jer. 7:11; Mat. 7:13, 14, 21-23.

2. 33. Gad iet it wen piipl kliem se dem a worship im bot dem naa du wa im waahn dem fi du.​—Aiz. 29:13; Mai. 3:11; Maak 7:6-8.

3. 34. Di rait rilijan a di wan we di piipl dem we iina it riili lov dem wan aneda.​—Mai. 4:3; Jan 13:34, 35.