SANG 55
No Fried a Dem!
1. Kom, mi piipl, gwaan go priich di
Kindom mesij faar an waid.
Wen dem chrai fi tek yu laif,
No get fried ar ron go aid
Kaaz yu nuo a mi a ruul yu
Chuu mi preshos Son, di Krais.
Jiizas don fling out di Devl,
An mi Son gweehn win di fait.
(KUOROS)
Du, no fried, an no get fraitn—
Iivn wen dem chretn yu
Kaaz mi eva wi protek yu.
Mi wi elp yu fi go chuu.
2. Iivl piipl waahn fi ort yu,
Bot no bada fried a dem.
An som adaz wi priten,
Gwaan laik yu an dem a fren.
Bot no fret bout dem, mi piipl;
Mi wi elp yu tu di en.
Fuokos pan di work mi gi yu;
Priich so til mi tel yu wen.
(KUOROS)
Du, no fried, an no get fraitn—
Iivn wen dem chretn yu
Kaaz mi eva wi protek yu.
Mi wi elp yu fi go chuu.
3. Mi no eva gweehn figet yu,
So no wori, an no fret.
Iivn ef yu miit yu det,
Mi kyan gi yu laif agen.
So, no bada fried a uu wi
Kil yu bot kyaahn gi yu laif.
Stik tu mi, an mi wi elp yu;
Mi wi mek yu fyuucha brait.
(KUOROS)
Du, no fried, an no get fraitn—
Iivn wen dem chretn yu
Kaaz mi eva wi protek yu.
Mi wi elp yu fi go chuu.
(Riid Deut. 32:10; Neh. 4:14; Ps. 59:1; 83:2, 3 tu.)