Bi Wan a Gad Fren

1. Uu kyan bi fi yu fren?

Elp wi fi nuo, Uo Gad.

Uu a yu fren dem? Uu mek yu pliiz?

Uu nuo wa mek yu glad?

Aal a uu lov yu Wod,

Aal uu chos iina yu,

Aal uu a stik tu yu an a du

Aal we yu waahn dem du.

2. Uu kyan bi fi yu fren,

An worship yu, Uo Gad?

Uu mek yu fiil so api wid dem,

An mek yu fiil so proud?

Aal uu a priez yu niem,

Aal uu a ier yu Wod

Aalwiez du wa dem se dem gweehn du.

Dem lov fi du wa gud.

3. Wa wi mait wori bout,

Yu se fi gi’it tu yu.

Wi tel yu aal we iina wi aat;

Yu a wi Fren fi chuu.

Dats wai wi waahn fi stie

Az wan a fi yu fren.

Yu a di grietis Fren wi kyan av,

An wi no waahn it en.