Inkorij Wi Wan Aneda

1. Wi mos inkorij wan aneda

Fi sorv Jeuova an no tap.

Wi aal dipen pan wan aneda;

Wan an aluon kyan neva klap.

No kier ou chrang wi breda dem bi,

Dem niid inkorijment siem wie.

So wi inkorij wan aneda

Fi tan op chrang iina di fiet.

2. Somtaim, wi fiil laik no fi bada;

Somtaim, wi fiil so doun an sad.

An den, wan breda ar wan sista

Se sopm we jos kaam wi aat.

It fiil so gud fi wok tugeda

Wid uu a sorv Jeuova tu.

Wi chrai fi elp wi wan aneda

Fi aalwiez eng aan tu di chuut.

3. Di fiet wi av a mek wi si se

Wi Gad, Jeuova, die suun kom.

So muo dan eva nou wi gyada

Fi elp mek wan aneda chrang.

Wi uop fi worship Gad fi eva,

Fi sorv im wid wi breda dem.

So nou wi elp wi wan aneda

Fi gwaan stie fietful tu di en.