SANG 31
Waak wid Gad!
Di Wan We Print
(Micah 6:8)
1. Kom waak wid Gad, bot memba se
A Gad fi gaid fi wi step.
Wi ombl wiself infronta wi Gad;
Wi naa chrai go wi uon wie.
Wi chos Jeuova an chos im Wod
Fi shuo wi ou fi liv.
Wi beg Jeuova uol wi an
Az wi lisn an obie.
2. Fi waak wid Gad, wi afi kliin;
Wi tingk bout tingz we im laik.
Wi fies nof temtieshan, bot stil wi nuo
Wi Gad a elp wi fait dem.
Wi set wi main pan wa gud an chuu,
An eniting we kliin.
Wi du dat, an wi nuo fi shuor
Se wi Gad wi waak wid wi.
3. Wi api wen wi waak wid Gad;
Wi glad se im a wi Fren.
Wi tangk im fi evri gif we im gi—
Im blesn dem we naa en.
Wi waak wid Gad, an wi sing tu im;
Wi shuo im ou wi glad.
Den adaz a-go si wi jai
Kaa wi sorv Jeuova Gad.
(Riid Gen. 5:24; 6:9; Fil. 4:8; 1 Tim. 6:6-8 tu.)