Juup

 2 “Tura átumka ti nekas áentsuitrume,

tuma asamtai nekatai̱sha atumji̱a̱i̱ métek amukatniuiti.

 3 Tura wisha átum nékarmena ántsanak nékajai.

Wisha atumji̱a̱i̱ íismaka nékachua ániuk enentáimturum,

átum nékarmena nuna ya nekaachminiait.

 4 Wikia tunaan túrichu asamtai

yáunchukka Yus wi áujeam anturtiniuyayi.

Túmaitiatan yamaikia amikri̱ wishiktai̱ ajasuitjiai.

 5 Núkap takakna nuka wáitiainian enentáintichu áiniawai.

Yajauch enentáimtuiniak awenatniua ánis enentáimtin áiniawai.

 6 Kásaka ni je̱e̱n núkap takakainia nuja̱i̱ waras pujuiniawai

tura Yusan yajauch chicharainia nuka

Yus susamua ánis warasar aṉkant pujuiniawai.*

13 Tura nekatai̱sha, kakarmasha,

enentáimtai̱sha jintinkiartutaisha aya Yusai̱ya̱ áiniawai.

14 Yus emesramuṉ yáakesh iwiarachminiaiti.

Tura aentsun eṉkeamtaisha nuna chíkich aṉkant awajsachminiaiti.

15 Núnisaṉ Ni yumin yútumtikchakuiṉkia kukach ajawai

antsu yútumtikiakuiṉkia ama̱a̱rak émeseawai.”*